由模界轉戰影壇的貝安琪（Ankie ），被大導演陳木勝睇中，在月底上映的新片《保持通話》中，飾演奸到出汁的打女，真功夫上陣︰「雖然拍到手指骨折，但我覺得拍動作片好刺激、好型。」
但更型的是她有個鋪橋搭路的星媽劉香萍，為個女做埋經理人兼電影監製，劉表示：「我遲啲會開套愛情片，俾個女做第一女主角，有邊個阿媽唔想自己仔女好！」實行兩母女拍住上！
Ankie 在大讚張家輝：「我覺得佢工作態度好認真，讀劇本讀得好熟。」更賣口乖話導演陳木勝靚仔，非常世界女。
雖然《保》片是貝第三套港產片，但其實她已拍了廿部電影。
八十年代影星劉香萍，當年放棄幕前工作，選擇到德國做過埠新娘，誕下混血女貝安琪。在德國一直從事電影監製的劉，近年回流中國，女兒Ankie 亦自然「引渡」到香港發展。「Ankie 好鍾意做戲，讀大學已經讀Fine Arts ，我當然希望佢可以喺影圈發展順利。」於是她索性兼任女兒經理人。
為了提高女兒見報率，劉香萍和Ankie 如影隨形現身ball 場及首映，更教路叫個女行性感。「Ankie 喺外國成日都著low cut ，係中國人文化唔同先會大驚小怪。」
雖然話行性感，但講性感尺度，阿媽就揸得好緊。Ankie 為本刊影相當日，劉對Ankie 所穿的衣服十分緊張。她仔細檢查過衣服的尺度後，便以德語和Ankie 溝通，似在叮囑Ankie 拍照時小心走光。劉說：「性感唔緊要，但唔可以暴露，Ankie 喺德國都著得性感，慕尼黑啲人好大膽，有人全裸坐巴士添！不過香港人始終保守啲，有時會叫佢搵件衫遮下，費事啲觀眾覺得佢係壞女孩。」
為女繙譯劇本
充當形象指導之餘，最令劉香萍頭痛，就是Ankie 的中文水平，「佢講廣東話已經進步咗好多，不過睇中文劇本始終有問題，需要人繙譯。」Ankie 不甘被媽咪彈，立即笑說：「佢啲德文都係跟我學，我咪向佢學中文咋！我會喺劇本mark 晒啲拼音，好似『我』字會拼NGR ！」
劉香萍和Ankie 經常連體出席活動，但原來二人每年有一半時間都要各自搵食。Ankie 說：「我之前喺德國拍戲，媽咪都唔喺身邊。其實好多嘢我一個人應付到。」劉聽罷立即補充說：「Ankie 係一個好自立嘅女仔，我唔擔心佢學壞，佢全部朋友我都見過。我好開通，唔會唔俾佢拍拖。」據知Ankie 現正和一名荷里活男藝人拍拖，這段異地戀亦是媽咪一手促成。
上周五（12日），兩母女連體出席護膚品活動。拍照當日，劉更全程
實，擔心Ankie 走光。（黃色箭嘴→貝安琪、紅色箭嘴→劉香萍）
母奶k 它P 奶
娛樂圈僧多粥少，飯碗簡直爭崩頭。要有啖好食，人脈關係相當重要，圈中亦有不少媽咪級藝人，戮力為下一代打造星路。
肥肥、鄭欣宜
欣宜自小有表演慾，兒時曾掹媽咪衫尾上過TVB 籌款show 載歌載舞。長大後決心成為藝人，肥肥亦安排過不少演出機會，又找來劉家昌為欣宜作曲。
寇鴻萍、唐貝詩
在蘭桂坊開設酒吧的寇鴻萍，找大女唐貝詩擔任party 搞手，其性感打扮迅即成為不少網民討論的對象，寇之後更多次帶同貝詩出席首映，增加其曝光率。
Julie 媽、Rosemary
15歲做模特兒的Rosemary ，由媽咪Julie 擔任其經理人。去年Rosemary 因掛住拍拖激嬲媽咪，對佢經濟封鎖，但兩母女最終和解。
