夏雨指世事如棋，《家好月圓》的劇情也變化萬千，一幕比一幕吸引。
【溏心風暴之家好月圓第二十回鬥戲人辦】
結局倒數仲有兩日--在《溏心風暴之家好月圓》中，夏雨飾演的Jo 飽，處理感情事拖泥帶水，不過夏雨日前接受訪問時表示這正是典型男人的寫照，非常貼近現實。Jo 飽在劇中也是母親佘君麗（李香琴飾）、紅姨（米雪飾）和前妻荷媽（李司棋飾）之間的夾心人，夏雨表示全靠身邊三個女人不停吵鬧，令Jo 飽一角充滿人性！撰文：比華利
《前妻恩深重》
《枕邊人奸詐》
無線劇集《溏心風暴之家好月圓》已接近尾聲，後日大結局，劇情一幕比一幕緊張，高潮迭起，夏雨飾演的餅店老闆Jo 飽，為人優柔寡斷，處事又不夠冷靜理智，才導致他與荷媽（李司棋飾）的婚姻被紅姨（米雪飾）介入，幸好最終Jo 飽還是得到子女和荷媽原諒，一家大團圓。
《母親話晒事》
夏雨在劇中雖夾在琴姐、李司棋和米雪中間，但全靠這三個鐵娘子爭拗，令戲味更濃。電視圖片
演技好 引人入勝
觀眾一邊追看Jo 飽，一邊罵他沒好好珍惜荷媽這個好老婆，非常肉緊，這正正反映出夏雨演活了這個角色，他說：「其實Jo 飽呢個角色好人性，好現實，就係因為佢份人唔夠堅決，所以先令劇情咁有追看性。有邊個唔想做大俠，做乜嘢都果斷，可以快刀斬亂麻，斬草除根，試問現實中有幾多個呢啲大俠？」
夏雨指Jo 飽絕對是時下中年男人的最佳寫照，他說：「Jo 飽份人貪圖美色，十個男人有九個係咁，佢衰咗又會死撐，但佢個心又好對唔住對佢有恩情嘅前妻，好懷念以前一家人嘅歡樂。」
談到圍繞Jo 飽身邊的三個女人，他形容沒有這三名鐵娘子，就不能突出Jo 飽這個夾心人的性格，夏雨先講李香琴扮演的母親佘君麗，他說：「Jo 飽只會對呢個阿媽愚孝，無論佢講乜嘢都聽晒佢話，唔會反抗。」至於善良賢慧的前妻荷媽，夏雨說：「對一齊捱過嘅荷媽會有歉疚，成日都想補償對佢嘅傷害。」不過一提起奸險的枕邊人紅姨，他說：「明知佢貪錢，但男人好怕理咁多嘢，怕麻煩，寧願畀個老婆話晒事，好多嘢唔係過份都抱住隻眼開隻眼閉嘅態度。」夏雨還
飾演Jo 飽的夏雨，大讚這個角色充滿人性，道盡典型中年漢的心聲。
食飯戲 好味清晒
夏雨跟陳豪和陳法拉似乎很有緣，再次扮演他們的父親，夏雨說：「因為合作咗兩次，大家真係好似一家人，好多場食飯戲，我哋都假戲真做，因為啲道具
都好好味，真係可以食得入口，所以一cut 機，大家都真係食到清晒碟，個個都好為食。」
談到嗱獎，夏雨坦言去年演《溏心風暴》的鮑鮑時，確實很想憑這個角色登上無線的台慶視帝寶座，可惜最終被得得地陳豪擊敗，今年再有機會憑Jo 飽一角提名，他表示已是平常心。問他較喜愛那個角色？夏雨說：「鮑鮑角色浮誇啲，相對Jo 飽貼近現實多啲，人性啲，所以我鍾意後者。」
Jo 飽一直對子女心存愧疚，常想辦法彌補以往過失。
Jo 飽最錫阿慶
夏雨飾演的Jo 飽不擅處理感情，雖然他拋妻棄子，令家庭變得支離破碎，但其實非常痛錫子女。在眾子女中，究竟劇中的Jo 鮑最疼錫誰？夏雨直指是阿慶（陳法拉飾），當然這與女兒是啞巴有很大關係，他說：「Jo 飽好關心呢個女，又好擔心佢嘅將來，始終佢有別常人，當Jo 飽知道阿慶同家樂（楊天經飾）拍拖，係戥佢覓得真愛而開心，但同時又好唔捨得個女，個女介紹男友過刻，Jo 飽好抗拒，現實生活我都有個女，立即諗到將來個女出嫁，自己一定好唔捨得。」
嫁女感同身受
阿慶和家樂結婚那場戲，夏雨想起曾在飛機看過史提夫馬田（Steve Martin ）主演的電影《呷醋外父》（Father of the Bride ），他說：「當時我睇到戲中嘅外父嫁女時，真係忍唔住喊咗出嚟。」夏雨演繹嫁女戲時，也感到依依不捨，他說：「我拖住阿慶，將佢隻手交畀家樂時，我都流咗真眼淚，法拉都話諗起自己阿爸，佢都話唔捨得阿爸，所以佢都流咗眼淚。」現實生活中有個11歲女兒的夏雨和陳法拉似乎在預演將來的一幕，誰說不是戲如人生？
談到陳法拉，夏雨也大讚說：「佢今次遇到個好角色，可以將佢嘅姣精形象完全洗底。」
攝影：陳志嵐
場地：Continental Club Lounge （Gateway Hotel ）
紅姨（左一）公開數臭Jo 飽，Sa 姨突然在記者會出現，大數紅姨等人的臭史。
臨終前跟紅姨講數，開出三個條件，威迫紅姨答允。
搶先爆：Sa 姨闖記者會數臭紅姨
《溏心風暴之家好月圓》今晚播映第37集，劇情講述紅姨（米雪飾）打算吞併「家好月圓」所有資產，並接納律師建議，每月給Jo 飽（夏雨飾）6萬元生活費，並替Jo 飽塑造一個「香港世紀賤男」形象，藉此增加自己在爭產案的勝算。
不治
紅姨召開記者會數臭Jo 飽，嘉美（徐子珊飾）和恩賜（阮兆祥飾）助陣，Sa 姨（關菊英飾）突然硬闖記者會，聲稱以《大婆日報》記者身份採訪，力數紅姨、嘉美和恩賜的不是。
（李香琴飾）偷溜出院，找尋舊餅舖老闆，為Jo 飽搜集有力證據，之後卻被發現倒臥在紅姨大宅，臨終前她要見紅姨，威脅紅姨會爆她大鑊，迫紅姨答應三個條件，最後
不治，證實被猛烈撞擊致死。
《溏人心聲》
最愛劇中金句--「人在天堂，錢在銀行」
夏雨最喜歡的對白是「人在天堂，錢在銀行」，他說：「所有人成日都係勞碌為錢，千方百計要賺多啲，但人一死咗，捱咗幾十年，錢都帶唔到落去，咪應驗咗成句說話咋，呢句對白真係好寫實。」
自選最愛場面--盲眼阻賣股權
每一幕，每一個情節以及每個表情，夏雨均用心演繹，故此他全部都喜歡，尤其劇情交代他被打至視網膜脫落，短暫失去視力，他說：「有一幕講紅姨（米雪飾）要將餅店嘅股權出賣，我雖然盲咗眼，都趕去公司阻止，好彩及時制止到。」
表現最好演員--「個個都做得好」
「全套劇每個演員之間都緊扣住對方，每個人都唔同性格，成套劇咁好睇，皆因大家都好畀心機去演，所以缺一不可，我覺得個個都做得好。」
