右至左
男人比女人老得慢，皆因皮膚科醫生話男人天生面油多過女人，不過油多者若清潔不善，毛孔、黑頭、暗瘡、粗糙、凹凸洞等瑕疵跟著來。趁早學好護膚針對自己皮膚性質每週一次facial ，是潮男必修科。
壓力男
OT 捱夜飲咖啡未有醫學證據證明傷皮膚，不過趕工帶來的壓力，負面情緒如抑鬱絕對會令皮膚出暗瘡、暗啞、過敏。
平靚亞軍LoShi Scrub Face Wash Foam with Aloe Vera Juice
$15/130ml 平均價$0.12/ml
去污度：☆☆☆☆
試後評：起泡好快，有極幼滑砂粒，而且有綠茶香味，更有慢慢滲透的冰涼感，加上價平、去污佳，保水亦收油，成今日亞軍。
3回比併
以去油力勁，洗後卻仍保濕留有水分為最佳，因為9成港男洗完面都唔慌會再搽滋潤霜，洗後少少保濕成分，絕對係佢哋救星。
（1）鬥去污——將油性唇膏塗在皮膚上，以洗面膏清洗，看唇膏退色度，以5☆為去污力最勁。
（2）鬥保濕——比較皮膚清潔前後的水分，看洗面膏保水度，水分愈多愈好；
（3）鬥收油——比較使用洗面膏前後皮膚油分，油分愈減愈佳。
曬男
常戶外工作或活動又不塗防曬，陽光中紫外線會加速皮膚老化、缺水、脫皮、皺紋、鬆弛便提早出現，應避免在正午12:00至下午4:00曝曬；或要塗SPF35PA++的防曬品。
洗後最爽Mentholatum for Men Oil Control
Face Wash $29.9/150ml 平均價$0.2/ml
去污度：☆☆☆
試後評：雖然控油效果不是最佳，但洗後感覺好爽，略嫌去污度不夠高。
煙男
原來吸煙的尼古丁及焦油都未有醫學證據證明對皮膚有直接傷害，但煙熏著面頰卻會令膚色變黃變黑。
表現麻麻Biore MEN\'S Icy cool Facial Form
$33.9/100ml 平均價$0.34/ml
去污度：☆☆
試後評：半gel 半cream 狀，只有少少涼，差在捽好耐至起到泡，去污度亦一般。
大食男
雖然未有醫學證明話暴飲暴食（如肉類）會令面油分泌多，不過食油脂製造食物如果仁、可可（朱古力）均會加速面油分泌。
洗潔精味Gatsby Massaging Facial Wash Gel $23.9/100ml 平均價$0.24/ml
去污度：☆
試後評：洗潔精味難聞，唧出來黑色，起灰色泡，雖然水分有提升但洗完塊面感覺「乾曾曾」。
飲酒男
皮膚科醫生黎湛輝話過度飲酒會令微絲血管擴張，引致紅鼻或鼻邊有0.5cm 粗血管出現，並潛藏至40歲才出現。解決方決只有用激光或彩光去除。
最冰涼感Neutrogena Men Cooling Clensing Gel
$79.9/100ml 平均價$0.8/ml
去污度：☆☆☆
試後評：香味好勁，洗時有勁涼感覺有少量砂粒，可惜洗完塊面幾
，去污度尚可。
冠軍泡王
KOSE Men\'s Softymo Creamy Washing Foam $32/180ml 平均價$0.7/ml
去污度：☆☆☆☆☆
試後評：一唧即出泡不用捽勁方便，而且泡好滑，水分勁升，控油亦最掂，成今日冠軍。
戒懶！姿整護理
講究啲advance level 可每週進行特別護理，對症下藥破解問題。
周柏豪勤力兼識貨
做model 時柏豪話試過暗瘡不斷生，入行後個人開心咗就少好多暗瘡，所以佢對筆者一再強調：「努力保持開心皮膚真係會靚啲！」現在工作要化妝，柏豪會小心地先落妝、再洗面、然後塗保濕霜，另加一週兩次磨砂幫助去死皮，佢仲笑稱：「好多嘢我都係問Janice 教我。」怪唔之得佢識用口碑佳的Bioderma 。
Bioderma Hydrabio Exfoliating Cream 「一週兩次唔懶得，習慣磨砂至知能令塊面滑好多，光澤啲。」。$220
William 靚膚靠戒甜
新晉舞王William 原來都勤力護膚，除了早晚洗面、塗保濕，最大靚膚秘訣在戒甜飲。William ：「我成日排舞留好多汗，汗有鹽分徹底洗乾淨塊面先唔會有暗瘡，不過我覺得日飲2公升水、戒甜飲，皮膚會靚啲。」有研究報告指，糖分會引起毛孔粗大及暗瘡，William 果然醒。
防乾煎Neutrogena Fresh Cooling Sunblock Gel SPF30$110
睇包裝就知針對中性的品牌，一支可塗面及全身，冰涼之餘更防曬保水，戶外活動15分鐘前塗上。
急救殘bliss Triple Oxygen Instant Energizing Mask $510
NYC 最人氣spa bliss 的最受歡迎療程演變成此DIY 日用品，通頂殘爆敷5分鐘，皮膚即光澤。Johnny Depp 、Brad Pitt 、David Beckham 都用。
免暴血Polaar Lip Guard UV+$105
法國男生品牌Polaar 除了防曬更可防風保水，專為一年四季嘴唇乾至脫皮男士而設。
潔面用品大不同
總結一句，女筆者我親身試過前頁男裝洗面膏感覺洗後勁乾，去黑頭效果較女性潔面膏強，且有陣男裝香水味，所以女生即使多油亦咪貪平買男性潔面膏。
