性格急躁嘅新
師姐，遇上一個目中無人，卻天才橫溢嘅科學家。兩個碰頭，就似火星撞地球。
恃靚行兇扮晒嘢！（設計對白）
慘得過我有樣又有腦！（設計對白）
奧運之後，電視台啲好嘢正嘢排住隊咁出籠。無線打頭陣嘅，就係日本推理劇集《神探伽利略》。《神》有咩咁大吸引？做得介紹，當然有佢值得捧場地方啦。
首先，《神》係改編日本當代推理小說家東野圭吾嘅得獎小說；其次，飾演神探湯川學（別名伽利略）係好耐冇拍劇嘅福山雅治。當年佢喺《同一屋簷下》嘅二佬，真係迷死唔少香港女觀眾。今次佢飾演有破案天才兼有氣質、有品味，但為人木獨，淨識研究嘅「宅男」物理學家。而《神》另外好睇地方，就係每集都有個超級星客串，好似廣末涼子、深田恭子、香取慎吾、唐澤壽明等等。所以話，介紹得俾大家嘅，一定係好嘢嘅﹗
播映時間：9月21日起逢周日晚10:30pm 翡翠台
湯川學破案同一般警察唔同，佢先以公式計算出程式之後，再以實驗證明。因而俾人冠以「伽利略」之名。
福山雅治攤抖咗幾年之後，07年復出拍佢老友東野圭吾得獎推理小說《神探伽利略》。呢位綽號「伽利略」嘅物理教授，有樣有身材，更係運動高手，絕對係冧死女之流，可惜份人太死板，一日到黑只識匿喺實驗室做研究，咩叫人際關係佢完全唔理，「女朋友」三個字對佢嚟講，更係陌生，因為佢腦里面有嘅只係XYZ 。係一個典型「宅男」。
飾演女刑警內海薰嘅柴崎幸，因為《神》同福山成為日本藝能界最佳組合，而劇集《神》更喺舊年（０７年）秋季日劇中一枝獨秀。最近呢對「最佳組合」更以「神探組合」名義合作出唱片，實行食住上。
呢位「神探」，其實本身係大學物理學教授，並唔係真正警探，但擁有破案頭腦，因為受老朋友、北村一輝飾演嘅高級刑警草薙所託，幫新
師姐內海薰解決奇難疑案。而被稱為「伽利略」嘅天才物理學家就運用佢嘅科學理論，破咗一單又一單離奇案件。
《神》雖然單元式，但每個古仔都好吸引，再加上每集都有個「巨星」客串，單睇「星」都夠飽眼福；而《神》同其他推理劇唔同地方，係佢主打「科學」；劇入面所有案件都涉及「科學」；好似反射定律、海市蜃樓現象、共震、電流變液等等。而神探就喺偵探推理包裝下以物理實驗同公式計算嚟解決案件。
最後講句：《神》唔止係睇一齣劇集咁簡單，而係似上咗堂物理課，最岩理科生觀眾。
福山飾演嘅湯川雖然為人木訥，但因為又叻又靚仔，係大學里面嘅萬人迷。
劇集離唔開一個公式，就係到最後，湯川學同內海薰由鬥氣冤家變為互相有feel 。「宅男」終於都「蒲出頭」。
眾星撐場
第一集 唐澤壽明
喺第一集客串嘅唐澤壽明，飾演因為抵受唔住不良少年喧鬧嘅化工廠工人，利用反射原理令對方身體自然著火焚燒而死。
第三集 廣末涼子
廣末涼子飾演一個丈夫無辜俾人害死嘅年輕寡婦，最後得伽利略破解冤案。
香取利用超聲波殺死有錢女作為向呢個世界報復。
第四集 香取慎吾
喺第四集出現嘅香取慎吾飾演具科學頭腦，但憤世嫉俗，成日認為全世界人都欠咗佢嘅大學生。
露股對香取慎吾嚟講輕鬆平常事，今次喺《神》入面又嚟一次，雖然嚟得有啲無厘頭，但夠晒搶鏡。
第七集 深田恭子
今次有份客串嘅「星星」，幾乎全部都與本來性格嚟個大逆轉，深田恭子拋棄玉女形象，飾演為錢謀殺老公嘅惡女人。
