模特兒界出名多A 貨，繼早前的翻版樂基兒、關之琳後，近日又有個「翻版周汶錡」黃芝琪（Grace H ）。不過做得A 貨，梗係要比正版更搏更努力，就好似Grace咁，除咗唔介意性感外，早前更在鬧市穿著比堅尼出席活動，任得啲街坊叔伯觀摩。
其實Grace 並非新人，佢除了拍過大量廣告外，亦曾經拍電視劇及做過陳奕迅台灣MV 的女主角，但佢仍然唔介意借別人的名字：「似周汶錡有乜唔好，佢又靚又叻！」認真識撈。
正版周汶錡
Grace 睇落真係有幾分似周汶錡，兩者最大分別相信係年紀，Grace 青春好多。
Grace 曾經在Eason 的MV 《不如這樣》和《低等動物》中擔任女主角，自此被港人認識。
挾住「翻版周汶錡」名字闖入模特兒界的黃芝琪（Grace H ），早前在台劇《名揚四海》中演出，再加上她的半鹹淡廣東話，故被人誤會是台灣模特兒。Grace 澄清說：「我喺澳洲出世同讀書，曾當選過澳洲華裔小姐冠軍，之後先開始喺呢行發展。」
正版周汶錡一向緋聞多多，但Grace 的感情生活卻一片空白：「依家專注做嘢咋，唔會刻意結交男朋友。（會唔會好似周汶錡咁搵個老外男友？）唔會，因為外國人嘅思想同傳統有好大差別，會有衝突㗎。」
今年初，正貨老翻周汶錡同場，出席Bella Skin Care 的宣傳活動，Grace 更不介意在鬧市中著比堅尼亮相，難怪周汶錡認輸地說：「我應該做唔到。」
老翻容易記
Grace 早前在街頭穿比堅尼出席活動，比起同場低胸的正版周汶錡更有睇頭，亦開始被人留意。「我覺得著比堅尼冇乜問題，可能我喺澳洲大。成日著比堅尼去曬太陽，我覺得好自然好健康。上次雖然係好多人望，但我準備好晒，所以冇乜問題。」對於被稱為翻版，Grace 沒有介意：「我都想好似佢（周汶錡）咁成功，呢個稱呼會令人容易啲記得我，都唔錯
！」
近年模特兒傾向多元化發展，但估唔到Grace 竟然大唱反調：「我鍾意做模特兒同拍戲，自從喺台灣拍咗《名》之後上癮。因為有機會變成另一個人，開拓另一個世界。唱歌呢？俾其他人去做啦！」
拍攝當日，攝影現場是一間餐廳，中午時分，仍有少數食客。難得的是一身性感打扮的她完全不覺得尷尬，表現大方自然。不過，佢啲廣東話仍要繼續改進，唱歌？都係遲啲先啦。
Neutrogena
進軍香港後，Grace 無論平面及電視廣告均大小通殺，認真夠搏。
Grace Profile
身高：173cm
三圍：34C 、25、35
學歷：畢業於Sydney University 主修商業法律及會計系
入行經過：澳洲華裔小姐冠軍
曾參與廣告：
台灣：沙宣洗髮水、桂格麥片、Neutrogena 、e-phone
香港：飛利浦DVD 、Tempo 、Canon Printer 、百事可樂（F4）、嘉頓威化餅乾
曾參與演出：
台灣電視劇《名揚四海》、陳奕迅《低等動物》及《不如這樣》MV 、《四葉草3盛裝舞步愛作戰》
