喺無線canteen 開餐賀壽嘅吳卓羲，見到Toby 忽然出現，立即盯實唔放。
阿佘為四角緋聞躁爆，但新歡吳卓羲就艷福不淺。
上周二（9月2日）吳卓羲29歲生日，雖然當晚要為新劇《紅粉商人》開工，但劇中成班紅粉佳人鄧萃雯、商天娥、惠英紅預備咗蛋糕同佢賀壽。
，咪噓住，成班中女都叫艷福？梗唔止咁簡單啦，事關冇份演《紅》劇，四角緋聞女主角之一嘅Toby （梁靖琪）忽然殺到，俾個驚喜吳卓羲之餘仲喺眾目睽睽下，吻賀壽星仔添！
睇到呢度，阿佘啲男友，舊嘅係咁花心，新嘅又係咁多情，躁爆又情有可原嘅！
Toby 主動吻賀，吳卓羲攬實人哋個頭唔放。
之後，Toby 仲好親暱咁摸吳個光頭，吳亦非常受落。
