一輪明月，一盅香茶，人月兩團圓的中秋佳節，除了忙於做飯的媽媽外，忙得團團轉的還有醫生呢！急症室專科醫生尤芳智說，佳節當前以為可以輕鬆一下，但醫院急症室反更忙於應付「中秋危機」。有巿民到郊外賞月被蛇蟲咬傷，又或煲蠟燒傷求醫；有貪食者開懷大吃應節柿餅，致肚痛腸塞；有人食過量油膩食品導致膽囊收縮，壓迫膽石致劇痛喊救命。記者：張嘉雯
油膩食品 引發膽石
醫學會前會長蔡堅指出，中年人在中秋節就容易因為食量過度，吸油過多而導致未病發的膽石現形。
「好多人喺中秋食滯，搞到腸胃炎，但係其實可能唔止咁簡單，有啲人因為食得太多油膩，令到膽囊收縮，壓迫住啲膽石就會好痛，一照就知道係膽石。」蔡堅稱，中秋期間就會有這些病症出現。
每逢大節，例如中秋或過年，市民盡情地吃喝，除了月餅蛋黃多油外，還有燒肉、雞、魚蝦蟹等高脂食品，體內要分泌膽汁消化，故一些原本已患上膽石但未病發的人士，因為做節大飽口福而令到膽囊操勞過度，收縮壓住膽石而出現類似胃痛的感覺。蔡堅提醒市民，節後腸胃痛除了食滯外，還要留意是否出現膽石問題。
急症室專科醫生尤芳智說，皮膚被蚊叮蟲咬可能會出現過敏反應。
蚊叮蛇咬 可大可小
中秋賞月，人人蜂擁郊遊，本是開心事，可惜毒蛇、老鼠、蜈蚣、蜜蜂、蜘蛛及蚊子等不懂浪漫，被咬者小則紅腫，嚴重可引發全身敏感反應，引致心律不正，又或細菌感染，引發蜂窩炎。
醫生尤芳智警告：「尤其係小朋友，因為佢哋身體比較細，敏感反應就會比較大。」此外，哮喘及鼻敏感患者也較易出現敏感反應，傷口易起水泡，耳、嘴都會腫脹，最危險是這些昆蟲接觸過不知名的細菌或病毒，「佢哋喺地下度周圍爬嚟爬去，唔知接觸過乜嘢，俾佢咬到皮膚，細菌就可以入血。」
尤芳智說，眾多動物中，又以蛇最毒，「好多人話俾蛇咬會七孔流血，唔係亂講㗎，因為啲血唔識凝結，毒素會影響神經系統，令人透唔到氣。」
他提醒巿民，被蛇咬要保持冷靜，「你越緊張，血液循環就越快，（毒素）就越容易上到心，令到心跳紊亂，仲有千祈唔好用口啜，無用，最緊要認住條蛇，咁醫生先搵到解藥。」他建議巿民到郊外時盡量穿著可以覆蓋皮膚的衣服，不要騷擾蜜蜂巢，並使用驅蚊劑。
狂吃柿餅 導致塞腸
大節當前，是解放狂吃的最好理由。傳統月餅、冰皮、奶茶、龍鬚、綠茶月餅固然要吃個不亦樂乎，應節水果亦不可少。去年中秋就曾有一名女士連皮吃下三、四個柿餅，一個星期後出現嘔吐及肚脹，出現急性腸塞，要剖腹續命。
醫生尤芳智指出，柿皮、蘑菇的纖維不容易消化，進入胃部後會與胃酸混合，形成沉澱物，甚至演變成硬塊，體積細小的硬塊會自行排出體外，但較大的硬塊會引致胃痛，部份更會在小腸造成阻塞，患者會出現肚脹、嘔吐及便秘等症狀，若不及時求醫，可引致腸壞死，嚴重者可造成腹膜炎。
「腸塞通常係本身係腸道有傷口嘅人，因為啲腸郁過陣可能會同傷口黏連。」除此之外，咀嚼能力較低的長者亦是腸塞高危族，對這些難消化的應節食品，應該要忍一忍口。
尤芳智建議市民食柿前先去皮，不要進食過量植物纖維，特別避免空肚進食，因空腹時胃酸較多，增加形成沉澱物的風險。
