黃宗澤表示有不少街坊叫他做「凌B 」，雖然感覺親切，但少不免有骨痹感覺。
【溏心風暴之家好月圓第十五回鬥戲人辦】
在《溏心風暴之家好月圓》中，凌志信（黃宗澤飾）、于素秋（鍾嘉欣飾）、管家仔（林峯飾）和詠琳（姚嘉妮飾）發展的四角戀漸掀高潮，不過嘉欣暱稱黃宗澤做「凌B 」卻被網民狂踩骨痹，連黃宗澤也直認肉麻稱呼令他打冷震。他表示凌B 一生愛情失敗，最後孤單一個，于素秋確應與青梅竹馬的管家仔配成一對，他笑說：「凌志信係應該退出，如果唔係我出街俾人殺鬼咗呀！」撰文：朱倬誼
鍾嘉欣和黃宗澤在劇中離離合合，最後鍾嘉欣與林峯配成一對。電視圖片
黃宗澤飾演的凌B 對姚嘉妮飾演的詠琳只有感情，沒有愛情，最後詠琳病逝，凌B 對她心存內疚。
荷媽（李司棋飾）、Sa 姨（關菊英飾）、紅姨（米雪飾）和
（李香琴飾）在《家好月圓》中，集集大吵大鬧，家嘈屋閉，刻意鋪排的愛情線如黃宗澤（Bosco ）、鍾嘉欣、林峯和姚嘉妮的四角戀，原本起中和作用，不過嘉欣暱稱演產科醫生凌志信的黃宗澤做「凌B 」，遭網友大彈惡心和骨痹，又指他們每次出場談情總叫人悶爆。
對於台慶頒獎禮的獎項，黃宗澤自言信心不大，相反卻看好夏雨和林峯。
怕出街被追殺
日前Bosco 在尖沙嘴接受訪問，提起嗱膽凌B 稱號即笑說：「我一個大男人，牛高馬大，喺劇入面嗌我凌B 都會打冷震，拍嘅時候都覺得好肉麻、毛管
，但估唔到出街個個叫我做凌B ，雖然肉麻，但易上口嘅。」
管家仔和素秋青梅竹馬，素秋長大後從醫，與已有女友詠琳的凌志信愛得深，凌B 周旋在「恩人」女友詠琳和最愛的素秋之間，管家仔黯然讓愛，令觀眾看得牙癢癢。
管家仔視照顧家人為天職，孝順又專情，怎會輸給劈腿凌B ？故此結局是詠琳患紅斑狼瘡症病逝，凌B 退出情場，管家仔和素秋終成眷屬，Bosco 揚言這是合理鋪排：「都合理，如果唔係我出街俾人殺鬼咗呀，管家仔同素秋青梅竹馬，凌志信係應該退出，呢個角色都悲㗎，喺愛情上從來冇成功過。」
Bosco 又形容凌B 的愛情路迂迴曲折，他說：「中段我會返姚嘉妮身邊，但最後孤單一個。凌志信幾矛盾，幾慘㗎，之前佢去外國讀書時爸爸死咗，受好大打擊，係姚嘉妮幫佢企番起身，一齊讀書幫手打工賺生活費，係凌志信嘅大恩人，佢對姚嘉妮係恩情唔係愛情，但人
日日返工拍拖
正如Bosco 說，甘家成員日日擘大喉嚨狂鬧，凌B 和素秋卻去離島踩單車，夜蒲Sunshine Bar ，不知多梳乎，Bosco 也說：「拍呢套劇有樣嘢益到我，就係我淨係收錢返去拍拖，唔使喊，唔使同人嗌交，又唔使同人爭產，返去拍拖㗎啫，最多訴吓苦。」他揚言對憑凌B 角逐台慶頒獎禮的男配角獎信心不大，他說：「都有好多人選呀，對獎項隨緣啦，又未有咁大信心，再浸淫吓先啦。」不過他看好林峯和夏雨可奪視帝。
攝影：陳順禎 協力：黎敏茵
化妝：Cyrus of Beauty Tech
髮型：Kel Fung of HH hair
服裝：DKNY 場地：HH hair
Sa 姨屈遭紅姨掌摑，嘉美即頂證母親動手在先。
搶先爆：Sa 姨屈紅姨 嘉美頂證
《溏心風暴之家好月圓》今晚播映第32集，講述原以為嘉美（徐子珊飾）已改邪歸正，豈料她走到阿卡（陳豪飾）家中扮暈倒，阿卡遂抱她到醫院，自己卻心臟病發不支倒地，隨後嘉美到醫院探望阿卡，提及二人過往愛的感覺，阿卡開始心軟，嘉美即主動與阿卡親吻。
另一方面，至信（黃宗澤飾）決定與女友詠琳（姚嘉妮飾）返英國，于素秋（鍾嘉欣飾）傷心欲絕，由管家仔（林峯飾）陪同到機場見至信。
紅姨（米雪飾）請了嘉美做阿圓（黎諾懿飾）的私人助理，相約見面，在餐廳廁所內遇上Sa 姨（關菊英飾），Sa 姨與紅姨先口角，繼而動武，Sa 姨連環掌摑紅姨，卻反屈被紅姨掌摑，最終嘉美竟出現頂證母親打人在先。
《溏人心聲》
最愛劇中金句--朱元璋與豬腳薑
儘管不是人人頂得順，但凌B 和于素秋在青馬大橋底嘆豬腳薑，發展出來的一段童謠式急口令，卻做了坊間電話鈴聲，黃宗澤還即席表演：「煲煲豬腳薑呀，激死朱元璋，拎住豬腳薑呀，撞到朱元璋，放低豬腳薑呀，叫聲朱元璋，叫叫吓朱元璋呀，唔見咗煲豬腳薑，掹住朱元璋呀，問佢嗱番煲豬腳薑。」
自選最愛場面--古怪扁面氹阿月
阿月（楊怡飾）被情敵嘉美（徐子珊飾）老屈後離家出走，荷媽（李司棋飾）一家踩勻全觀塘，終發現阿月躲在電話亭里嚎哭，黃宗澤說：「好嘢在咁多人壓扁個樣氹番佢，幾得意，夏雨、陳豪同林峯一齊將塊面壓落電話亭嘅玻璃上，荷媽就喺另一邊敲窗做手語，如果連荷媽都壓扁個樣就好嘢啦。」
表現最好演員--夏雨自然不造作
「我幾鍾意Jo 飽夏雨，原因係佢好自然、好生活，唔係造作過種，睇落好似冇乜分別，但你留意睇，佢係好多嘢唔同咗，呢樣係我好欣賞嘅。」
