吳嘉龍和女友Leah 糖黐豆，但他指未能養起女友，不會考慮成家。
香檳品牌Veuve Clicquot （凱歌）前晚在金鐘舉行酒會，安排了韻律泳與氣球表演，吸引吳嘉龍和女友Leah 、周汶錡和原子鏸等捧場。
吳嘉龍和女友Leah 在現場甜蜜攬腰，十分煙韌，他透露剛和女友去完美國加州旅行，他說：「佢喺美國長大，而家喺Pure Yoga 教瑜伽，我哋好夾，都互相見過家長，佢爹哋係做室內設計。」即是好事近？他說：「我都好想結婚，不過，我要經濟好啲，support 到一個family 先可以結㗎，養得起佢我先會諗咋。」
