一班晶女郎齊齊穿上睡衣賣性感，拍攝《有隻殭屍暗戀你》海報，扮演殭屍的彭敬慈認真好艷福。
王晶日前集合一班「晶女郎」齊齊穿上性感泳衣和睡衣，為由他監製、下月底萬聖節期間上映的電影拍攝宣傳海報，眾女爭妍鬥麗，香艷程度不下於電影拍攝現場，影樓一時間波光流動、色香俱全，其中以外號動漫Maggie 的李曼筠最突出，力壓王晶愛將孟瑤。
動漫Maggie 和孟瑤（右圖）同屬有料之人，但換上泳衣拍攝時，前者的身材明顯較突出，也更青春可愛。
電影《有隻殭屍暗戀你》由一班晶女郎包括王晶愛將孟瑤、賈曉晨（JJ）、貝安琪、梁敏儀（Winnie ）、李曼筠（動漫Maggie ）及台灣型男張震的女友Tanya （吳嘉欣）演出，殭屍一角則由彭敬慈擔任。電影拍竣後，一班男女演員早前到柴灣一影樓拍攝電影海報，各人先後換上睡衣及泳裝上陣，令影樓內波濤洶湧，艷光四射。
張震女友Tanya 的身材不及其他人突出，幸有健康美搭夠。
孟瑤和JJ 上半身穿上性感睡衣，但一個踢拖一個著波鞋，相當搞笑。
乳貼打底防走光
監製王晶當日親自到場坐鎮，更指導眾人擺出各款性感甫士，務求做到最佳的官能刺激效果。拍攝泳衣造型時，以動漫Maggie 的身材最為突出，連頭號晶女郎孟瑤也被她比下去，不過Maggie 表現謙虛地說：「其實佢哋個個都好靚，身形好平均，冇話邊個搶邊個風頭。拍戲嘅時候都冇話會鬥出位搶戲，反而成班女仔一行埋就講邊度食嘢好，有乜嘢好買，大家都好融洽。」
在眾目睽睽下拍攝睡衣及泳裝照，Maggie 表示已作好所有準備，她笑說：「大家都著晒打底衫褲，我仲貼埋乳貼。」孟瑤則大方表示不介意被Maggie 搶鏡，她說：「大家都係為部戲好，冇話邊個會搶風頭，佢影靚啲或者第二個影好啲，都係吸引多啲人入場。其實大家都好性感，張海報影到個個都好靚。」
《有》片監製王晶親自到場，指揮拍攝晶女郎海報。
眾女齊拍泳衣造型海報時，連貝安琪都被動漫Maggie 的豐滿上圍吸引。
王晶指導拍海報
其中一款睡衣造型海報，驟眼看來很有早前上演的電影《內衣少女》的影子，不過有份演出《內》片的JJ 則謂看不出有類同的地方，她說：「其實兩部戲嘅戲種都唔同，而且出嚟睇番呢款海報嘅效果都唔同，講性感呢部會仲性感啲，反而《內衣少女》就係意識上大膽。」
JJ又品評戲中各姊妹，大讚各人有不同美態，她說：「Maggie 就好青春同活潑，孟瑤皮膚好白好靚身材好好，Tanya 健康而且好運動型，安琪就成熟大方，敏儀就夠高
吸引，我自己就比較平均，唔會有乜嘢好突出。」JJ 拍照時所穿的泳衣比較保守，問她會否擔心不及動漫Maggie 及貝安琪等人搶鏡時，她表示泳衣是公司安排，而且一班人相處很投契。
至於王晶表示作為監製每次拍海報都會親臨主持，他說：「每次都會喺度，因為海報係吸引觀眾入場最基本嘅宣傳，如果海報都唔掂就真係死得。」他又謂不介意當中一款海報被指疑似另一部電影，他笑說：「大家都係少女片，我部仲大堆頭，而且多咗隻殭屍搞笑，即係再多一樣元素吸引人去睇啦！」
