陳小玉（右）得佳麗選為友誼小姐，她歸因自己懂照顧人。
大熱5號關安娜因減肥逾20磅，身上難免有橙皮紋。
陳雅雯與友誼小姐獎項擦身而過，敗給陳小玉。
《澳門威尼斯人2008澳門小姐》今晚舉行，十位參賽佳麗昨日在澳門穿著比堅尼泳衣綵排，即場互相投票選出友誼小姐，因1號陳小玉及6號陳雅雯票數相同，要進行第二輪投票，結果陳小玉勝出，她接受佳麗獻花時感觸落淚，而3號許鄒遲、7號伍家怡、9號屈佩盈及10號呂倩姬也忽然喜極而泣。
十位準澳門小姐昨日在澳門綵排時，穿上比堅尼泳衣展露美態。
否認年長受歡迎
問陳小玉當選友誼小姐通常難入三甲，她說：「冇聽過，我盡量做好自己。」獲佳麗們歡迎是否因年齡最大，處事較圓滑？她說：「唔關事，我屋企有細佬，我識照顧人，啲佳麗有問題我都會幫手。」
此外，5號關安娜及6號陳雅雯穿上泳衣橙皮紋乍現，關安娜謂她現時上圍34吋半，下圍37吋半，她說：「我減咗20磅先嚟參選，而家又再瘦，最勁時下圍有40吋，所以有少少橙皮紋都冇法。」3號許鄒遲則是下圍最大的佳麗，加上腰長腳短身形，看來較為遜色。
採訪：卓寶花
攝影：黃偉雄
