繞實哎
女 秋官同Niki 合作未夠一個月，鏡頭前後已經父女情深，行出行入唔拖實都繑住手。身為親生女嘅欣宜，見到自己老竇對人咁好，會有乜嘢感受呢？
今年初肥肥過身，鄧光榮曾炮轟鄭少秋：「欣宜有老竇好似無老竇！」今時今日睇番，佢真係冇鬧錯人。
今年5月30日，是欣宜第一個沒有了母親的生日，秋官就已經冇理肥姐生前要求他每年都要同個女慶祝的遺願。
相反，上周五，記者竟發現秋官為新劇《桌球天王》中嘅女兒周麗淇（Niki ）慶祝生日，仲請晒該劇工作人員食飯。
對哎
女都好過對親生女，難怪令肥肥啲好友睇唔過眼。
冷待親生女 由肥姐病重開始，秋官已惹來不少指摘。直至在追悼會上，他身為父親的表現更令人失望，反而要由欣宜替父親解圍。估唔到事隔不足半年，秋官竟然冷待愛女。
秋官對住Niki ，不時表現出慈父作風。風趣又幽默兼且細心，Niki 真係比欣宜幸福得多。
睇《忽周》望欣宜 秋官對於欣宜的性感照被男友Mark 放於網上，雖然未有特別關心。但經過便利店見到女兒的封面新聞，也忍不住走去看看。為免尷尬，便拉住哎
女一齊睇。
因為女兒成為雜誌封面人物，秋官先後「
」咗兩次，但始終冇幫襯。
包場請食飯 秋官包下泰國餐廳，為Niki （右二）慶祝28歲生日。雖然不是甚麼貴價餐廳，十多人埋單只需一千多元，但比起佢對親生女嘅生日乜表示都冇，已經好好多啦。
據知當日是拍一場食飯戲，秋官拍完後，即刻嗱鏡睇吓有冇殘屑「攝」喺牙縫，認真貪靚。
上周五（8月29日）黃昏，秋官和Niki 在西貢車仔麵店拍攝《桌球天王》。劇中兩人飾演父女，但記者發現佢哋在鏡頭外同樣親暱，人前人後，不時以「阿女」、「老竇」相稱。拍攝完後，二人需在附近影硬照作宣傳之用，秋官顯得更加投入，除了搭膊頭外，更不時拖著Niki 走來走去，表演父女真人show 。又不時叫工作人員照顧Niki ，顯得非常細心。
另外，秋官得知Niki 於拍攝翌日(8月30日)生日，早就吩咐工作人員不要預備飯盒，還親自在泰國菜館訂位替哎
女慶祝。秋官安排Niki 坐在對面，二人有講有笑，十分親切，唔講真係以為佢哋係兩父女。最後，秋官更親自埋單，盛惠一千多元。
冷落親生女
這邊廂秋官為哎
女慶祝生日，那邊廂卻冷落親生女欣宜。知情者
表示：「肥姐過咗身咁耐，秋官唔好話去見欣宜，甚至連電話都唔多個！欣宜賣屋、領遺產，甚至接job 、管教，秋官完全冇出過聲亦冇幫過手。你話欣宜點會唔心淡？秋官成日同欣宜講話對唔住，但有咩用
？」
自今年三月肥肥過身，秋官同欣宜一齊出席追思會後，已甚少見面，即使後來二人一同參加「五二一四川賑災大匯演」，都要前後腳到埗，連招呼都冇打就分開走，可見呢對父女感情有幾淡。
近日，正忙於為處境劇《畢打自己人》的欣宜，被本刊踢爆與男友Mark 同居，男友更將親熱性感照放上網。搞成咁，身為人父的秋官好應多啲關心個女啦。
據知無線開拍由秋官同鄧健泓擔正的新劇《桌球天王》時，曾考慮搵欣宜做依家Niki 的角色，實行父女檔上陣。但欣宜卻表示：「唔係特別想咋。」可見二人感情不佳。
上年十一月，秋官與欣宜在為肥肥打氣的節目《歡樂今宵團圓夜》中同台演出，父女關係可謂達到最高點。
至肥肥過身，秋官表現令肥肥的好友以至愛女失望，今年五月肥肥百日祭，只得欣宜和肥肥的好友如陳淑芬等到場，秋官繼續失蹤，難怪令欣宜心淡。《蘋果日報》圖片
近期有指欣宜與鬼仔男友Mark 同居，表現豪放。又難怪佢嘅，母親過世，老竇又唔理佢，唔黐男友黐邊個？
