回復7# ben17k 的帖子
之前我都覺得,每個人應該有評論既自由,對佢初時出黎講股無乜所謂,當係多個人分享一下. 正如你講,股神個名只係因為由初佢估牛市升市時人地安比佢既. 可以講,佢係被逼比人加左個名,初時我都有點同情佢.
但係,再睇埋佢之後既小動作,不斷出既預言,次次都只係話睇好個市,好似只係為手上既股票搵支持. 要知道,無論佢係呼股神,佢都唔可以當自己係一個平民百姓,應該明白自已講野既影響力. 如果佢唔當自己係神,應該識得收下口了.
佢既表現,或多或少可以睇出,佢已經接納左自己係"股神"既地位. 或者,佢想利用"股神"呢個名去做d 野,同佢當初被逼封為股神已經係兩碼子的事.
公開自己既投資組合,或多或少會引起好多市民去跟,對那些股票會有一定的影響. 以四叔既資歷,唔會話唔明白當中既關係吧.
我比較贊成超人既做法,對呢d 敏感既話題收口. 當然,超人間中都會幫自己出下口術,但就無四叔玩得咁明顯. 不過,我都仲係有點懷疑四叔今次出口術,唔係佢自己想既. 連錯咁多次比人鬧緊都仲要出聲,熊市期間唱好,風險極高,唔似佢地既作風.
除非佢係想挽回股神既聲譽想搏一鋪,否則,好可能係某d 原因原要幫手托市,或者要造一個假象希望吸引番d 人入市.
