■在L'Occitane Cafe ，我見唔到有男客。
據本人非正式統計，每4位女士，就有一支L'Occitane hand cream 。理由，香咋！
因為香，我由香港追到東京。走出人頭湧湧的JR 澀谷站，準備怒shop 卻渺無方向，我無志氣地行了過對面街L'Occitane ，像人在外地想不到有乜好食，你總會走了去麥當勞一樣。
「點解有3層嘅？」我看著樓梯自言自語，行上1樓見到一排斯文日本女子，原來2、3樓係L'Occitane Cafe 。5月初營業，乘著品牌效應，加上位置佳，旋即成為日本OL 熱門聚腳地，我坐了1粒鐘，場內居然一個男客都冇！
Cafe餐牌上賣的是一般飲料、鮮製蛋糕，打上L'Occitane Label ，入口好似特別香。不過我最欣賞的，是cafe 的貼心小設計。因為客人大多帶手袋，cafe 在每張餐桌邊都放了一個大籃，配合到場內氣氛之餘，又能夠方便客人，有心思！
另外，雖然明白餐飲業轉枱次數越多越好，但去cafe 人人想hea ，最怕侍應搞小動作趕客，L'OccitaneCafe 不只唔催客走，仲會時不時做小點心請客人食，到訪當日我就得到兩塊曲奇，令貪小便宜的我興奮了好一陣子。唔知唔食得嘅小禮物如hand cream sample 之類，佢哋又會唔會送呢？
記者、攝影：美寶蓮
■一杯飲品一個cake ，埋單約$106。
■放手袋用籃仔，細心！
地址：東京都澀谷區道玄
2-3-1
電話：（81）03-54281564
