一向好鍾意寫blog ，仲好鍾意擺相上網公諸同好嘅「呆佬」，
早排就俾人話佢成日借個blog 晒戀情，
暗示同「天真妹」拍拖博宣傳，之後佢就靜晒冇乜新進展。
搶先爆花絮早排關仁知道三色台搵咗呆佬主持一個新節目，
仲去外地拍外景，拍攝途中呆佬當然乘機狂影相留念，
返到香港佢就將喺當地影嘅風景相同拍攝花絮擺晒上blog 度晒料，
有傳媒見到，咪唔該都冇句登晒出嚟囉，嗰個節目嘅監製見到立即火都嚟埋，
因為個新節目未見街想保持神秘感，但就俾呆佬爆晒出嚟，
監製當然詐晒型啦。呆佬咁鍾意喺blog 度晒料，
睇怕以後三色台都冇人再敢搵佢做嘢嘞！
如果您喜歡這篇文章，請按「讚」或分享給您的朋友，以示鼓勵。
