就係為咗呢張相，令兩父子為口福不和，「煲寶爸」（前）唔妥「大聲公」（後）自私獨食，拂貓尾離去。
當了十三年空姐的Ming Lau ，有多重角色。既是人妻，同時亦是一位擁有自家品牌的wedding &party dress designer 。但真正身份，卻是一名管家婆。事關一屋七隻貓，隻隻古靈精怪，夫妻相處薄情婆媳兩代不和父子為16粒Whiskas 牛奶味貓糧拍攝中途關係決裂……事無大小通通關佢貓事。
「所以我有諗過辭咗份工，專心發展設計方面興趣，同埋撥多嘅時間睇住班大帝。」長期被其中一隻貓視為同類，經常俾個貓屁股零距離兜口兜口「得」住的阿Ming （貓和貓之間打招呼示好的其一方法），貓奴為婢，仲忙過管家仔阿好！
話就話一家之主，但有咩事起上嚟，就只有無牙力的「煲寶爸」同公關大少「大聲公」貓叫撐場，其餘影一隻閃一隻少一隻，唔見晒！
只記新人笑
崩裂缺口，緣於四年前。當時只有一貓「Jo Jo 」在手的Ming ，決定和男友拉埋天窗，老死半賣半送了一對英國短毛貓給這對新人做賀禮，寓意雙雙對對。Ming 心急，以為只要將三隻貓一齊困
廁所，密室培育感情三幾日，自然變friend ，孰料被Ming 形容為超級有人性的「Jo Jo 」，「唔老黎」抑鬱「擙」出重病：肝硬化、心臟變形、絕食等等，身體嚴重急劇衰退，獸醫要即時連打四支貓隻劑量類固醇針吊命，就是沒起色，要Ming做定心理準備。「我當時對住『Jo Jo 』猛say sorry 喊到收唔到聲，好似懺悔咁，不斷同佢講我唔係貪新忘舊唔理佢，我其實最錫係佢，希望佢快嘅好番！」如是者日日稟神都無咁神心走去獸醫診所探「Jo Jo 」，又要飛啦的日子就搵男友代勞，男友OT 唔得閒咩由阿媽出馬，全家總動員無間斷表示誠意！結果，日吟夜吟兩個幾月，奇蹟地，「Jo Jo 」完全康復，打咁多針食咁多藥，一嘅後遺症都無，阿老娘一返歸即向兩條𡃁還拖顯示慈禧太后尊貴本色。
「『Jo Jo 』動不動都對『煲寶爸』黑面，甚至
，但每次『煲寶爸』又真係會聲都唔敢聲，耷低頭，恭恭敬敬咁企埋一邊睇面色，聽訓示。唯獨頂心杉『貓波仔』最唔俾面，永遠無大無細掂行掂過，激到『Jo Jo』次次見親『貓波仔』都狂睥！」無計喎，學荷媽話齋囉，真係一家人就幾難頂都要頂落去㗎啦！
七貓關係圖
