朱茵早前大爆舊男友惡行，莫文蔚（Karen）前晚出席活動時對此話題敏感，強調從未置身類似場面，所以對方所講絕非自己，又直指外界的揣測有損她名節！
前晚Marc Jacobs及Marc by Marc Jacobs舉行08秋冬時裝騷，由裴蓓、Ana R.及姚書軼擔任模特兒，Karen、龍殿兒、任葆琳及林煒珽等則身穿該品牌服裝撐場，場面熱鬧！「唔會去其他人房」
朱茵早前接受《志雲飯局》訪問時大爆舊愛艷史，引起外界議論紛紛，Karen為求清白主動澄清：「呢個真係死貓，一定唔可能係我！我做事光明正大，未試過置身呢場面！」她曾與朱茵在外地拍戲，問到知否第3者是誰？她揚言不知情：「套戲好多劇組人員，所有人都係住同一間酒店，當地好偏僻，冇其他地方可以住！我媽咪都有去，可以問我媽咪！（你有冇去過其他男演員房？）我只係去自己間房同化妝間，唔會去其他人房，除非導演叫開會，不過都開晒門，因為太多人！」
Karen表示與朱茵並無對手戲，她續說：「其實我Part已經拍完，我同佢（朱茵）唔同場口拍！」她坦言事件會影響名節，所以必須正視：「呢唔可以亂講，會對我好唔公平！（覺得好冤枉？）非常之冤枉！」問到是否覺得朱茵說錯話？她表示對方並沒指名道姓講，只是外界不應太多揣測。另外，對於在奧運閉幕禮演出的資格遭質疑，Karen坦言被人屈食死貓，當然不開心，但卻開心得到父親及朋友的支持：「唔止老竇撐我，個個朋友都撐我，奧組委選得出，即係有實力，每一個被選出都係！」
莫文蔚身穿價值$34,900的Marc Jacobs連身裙撐場，令人眼前一亮！
Karen（左二）與好友傾到雞啄唔斷，心情看來不錯。
