王晶有無教女兒如何在影圈發圍？她說：「無呀！我唔記得邊個教我要在任何人面前扮都要扮謙虛。」
王晶說話誇誇張張，他細女王子涵卻斯斯文文，聲線更甜得來帶點嬌嗲，絕對適合做主持。她卻自嘲：「我口才唔得！」所以她一心向電影界發展，走青春可人路線，可以的話更會勇闖樂壇。她亦報讀了IVE 的時裝設計課程，萬一影圈發展不太順利，幫人做形象設計都好。
話到尾，她才是真正的晶女郎，待遇會否比其他晶女郎好，她即場幫自己改了個花名笑喺答：「晶女郎行性感形象，我係晶公主，我可以守身如玉。」
王晶和太太三年前結伴出席「森美阮小儀歌劇團」，捧飾演學生的女兒場。
去年七月，王子涵（左一）在《七擒七縱七色狼》中，和孟瑤（左二）、趙彤（右二）及梁敏儀（右一）齊齊三點式上陣。（《蘋果日報》圖片）
五個月前，她著住母親送的BCBG 晚裝裙，同爺爺王天林（中）及父親王晶（右）一齊做電影金像獎頒獎嘉賓。（《蘋果日報》圖片）
今年八月，她（前排左一）去會展參加跳舞比賽，跳jazz funk 。
無嬲老豆
約王子涵（Ada ）做訪問，她很會逗人高興，她見記者拿喺重物，當日又下喺雨，就主動替記者打傘。分道揚鑣前，她又溫柔地說：「好啦！你嗱你把遮出來先！」溫柔得有點暈！Ada 會心微笑說：「好多人話我好好家教，有時都幾開心。」
拍攝當日，王晶還派了製作經理監場，免女兒有任何差錯。訪問完，Ada 要出席老友唐貝詩的比堅尼派對，製作經理又要事前睇過她著什麼才准她去，嚴陣以待，就算Ada 現在已滿十八歲，去夜街接job 都要經王晶批准。「而家十二點前要返屋企，除非問准。」
Ada 有個出名老豆，爺爺王天林亦非等閒之輩，他縱橫影壇六十載，更得過亞洲最佳導演獎，跟喺他們，Ada 雖然自嘲口才唔得，但實際做人很圓滑。
對於外界批評她父親拍埋嘅屎尿片，她不慍不火地答：「每個人都有自己最好嘅作品和最差嘅作品，我都有自己最靚嘅一幅畫和最差嘅一幅畫。」
王晶捧過邱淑貞、李麗珍、林熙蕾、舒淇、關秀媚，陳煒和孟瑤等晶女郎，有「癡心情長劍」之稱的晶哥，和邱淑貞的感情更拖拉近七年，女兒不嬲嗎？她嘆了口氣說：「佢認（有婚外情）佢嘅事，嬲咩？大人有大人嘅生活，我沒權管，我唔俾任何意見。」那母親生氣嗎？「媽咪好獨立，不受呢啲影響。」上月她還和母親、父親遊日本。「因為老豆要打日本新出嘅足球機。」上週四他們更去了曼谷和芭堤雅為母親慶祝生日。
九歲時，她和同學等出場表演中國舞。
打到喊
五十三歲的王晶原來跟女兒一樣潮。「佢雖然平時恤衫西褲，但佢要去Ape （日本潮牌猿人）買衫。佢買咗對限量版Nike 又會向我晒。」
她和父親上至籃球下至水晶指甲都會談。「有時出門口，佢會話你個胭脂唔好搽咁高。我哋仲會一齊睇C 朗、姚明。佢試過走入嚟我房，問我係唔係有齊謝霆鋒嘅CD ，話要搵佢嘅歌做插曲，跟住一齊喺房聽歌，佢仲跳起舞來。」
有個做電影的老豆，同學仔經常託她找一些閒角來演，又叫她幫手嗱父親簽名，她亦心思思想在電影圈發展，三年前她還在求學時，就已向父親表示想拍戲，王晶有合適的電影亦預埋女兒一份，至今，Ada 演過《學校黑勢力》、《野蠻秘笈》和《七擒七縱七色狼》等五部電影。
講演技，父親的評論不留餘地，「爹哋話我演技唔好，我都覺得麻麻哋，在《學校黑勢力》中，有一場戲講我俾三個女仔圍摑，話我搶人男朋友，嗰三個女仔一路摑一路笑，搞到我入唔到戲，最後我俾個女仔摑咗三、四十巴先有眼淚，嗰吓真係針拮到肉先知痛，先識喊！唯有睇多嘅電視劇和電影，老豆叫我多嘅留意人哋嘅表情及性格。」
有老豆開了個頭給她，她亦很高興。「自從《七擒》之後，我才有專訪、function出、才有《獎門人》上、才有知名度，後面發展如何，要睇我識唔識do 。」
除了電影，Ada 還想做模特兒。去年九月，她接了個婚紗騷。（《蘋果日報》圖片）
「讀書時，老豆每個星期俾五百元零用錢，我要寫報告交代嘅錢點用，佢覺得合理才發放下星期的零用錢，唔會縱我。」Ada 說。
王晶想送女兒去北京電影學院唸書，Ada 說：「考過但考不到。」
問她有冇拍拖，她話：「無呀！無人追呀！」
有後路
Ada上有一個比她大十年的家姐，家姐喜歡讀書，在加拿大英屬哥倫比亞大學畢業，後在英國曼徹斯特大學讀碩士，現於新加坡從事銀行工作。至於Ada ，她曾在瑪利諾小學讀書，讀到小四才轉去沙田英基就讀，轉校皆因不服氣。「瑪利諾嘅測驗範圍可以由第五頁測到第五十頁，我溫書等於媽咪溫書，家長向學校反映，問佢哋測驗範圍可否唔測咁多，學校嘅回覆係：『我哋學校可能唔適合令千金。』咁我哋咪轉校囉。」
Ada自認不是讀書材料，卻喜歡跳舞，小學學跳中國舞，中一學跳jazz funk 。「我表演慾強。」對於電影，她最想做打女角色，「我覺得做打女好型，加上我有跳舞底，有喺數。」
不過話晒王晶畢業於中文大學中文系，母親亦有MBA 學歷，家姐是碩士生，個個讀書了得，她在壓力下唯有重拾學業，九月開始讀IVE 的時裝設計課程，當多條路，撈唔掂做形象設計都好。「我鍾意俾個人我，我喺上面放頂帽、放件衫，化化妝嘅styling 工作。」但堂堂王晶女不出國讀書？她說：「我唔捨得媽咪呀！」實際她不捨得起步了不久的電影圈。
