由2G 過渡3G ，iPhone 用家理所當然預期會有更快的上網速度，甚至願意俾五百蚊上無限任用plan 。不過，部分用家的預期落空，用測速網頁一試，速度約得300Kbps ，比起3HK 標榜的3.6MBps*慢三分之一，認真無癮。同時間，網上更流出3HK 「鎖速」傳聞，指網絡商為免太多用家同時上網，頻寬無法負荷，所以暗中限制客戶的上網速度，好讓「人人有餅分」。
3HK 客戶服務員無法解釋速度差異原因，只叫機主留下電話號碼跟進。
跟門市demo 機相比，速度竟相差四倍。
同點不同速
想知道上網速度，只須登入測速網頁「i.dslr.net/tinyspeedtest.html 」。原理是將一個約2MB 檔案下載至iPhone 3G ，記錄所需時間從而計算出上網速度。不過，測試結果有極大分別，部分個案速度達800Kbps ，亦有用家低於200Kbps ！於是有機主不甘損失向3HK 投訴，殊不知速度於兩日後「回復正常」，惹來網民猜疑3HK有鎖速。
為求證傳聞真實性，本刊亦找來兩位上網速度偏慢的機主到門巿投訴，與門巿供試玩的iPhone 3G 在同一地點下測試上網速度，結果「官方機」竟然快足四倍，客戶服務員亦無法解釋此現象，只推說會交由技術支援跟進。兩日後，兩位機主發現速度明顯大幅提升。
就上述個案向3HK 查詢，有關方面回應未了解測速網頁的運作原理，所以就算同時同地測速，亦可能有不同表現。而速度亦會受網絡使用人數影響，並否認公司有鎖速政策，認為事件純屬巧合。
不少iPhone 3G 用家在網上討論區投訴上網速度慢
鎖速有法
到底「鎖速」在技術上能否做到？城市大學電子工程系曾劍鋒博士表示，技術上絕對可行。「只要喺發射站做設定，就可以限制唔同發射站，甚至指定用戶群嘅上網速度，不過為咗保持服務質素避免趕客，網絡商都好少會做。」香港生產力促進局資訊科技業發展部首席顧問張梓昌博士則指出，測速網頁所儲存之伺服器，若非處於香港，或會令速度大幅波動，導致速度相差大，未必可信。「速度會受好多外在因素影響，例如接收訊號強弱、使用人數及頻寬等，實際速度可能只有理論上的六至七成。」
雖然證實不到是否有鎖速政策，不過既然有成功個案，如果用手機上網速度偏慢，應該向有關網絡商查詢，檢查是手機抑或接收出現問題。
*GPRS又稱2.5G ，理論上下載速度最快可達120KBps ，iPhone 3G 則屬3.5G 級別，下載速度最快為3.6MBps ，Wi-Fi 速度方面，以PCCW 的hotspot 為例，則約7.5MBps 。
