身高：158cm
三圍：34D 、23、33
學歷：黃大仙聖母書院中五畢業
原本一直係「龍友」熱拍model 的趙碩之，憑著34D 迫爆身材，上年被大名娛樂老闆林建名睇中最後一炮而紅，「龍女」一仗功成變明星，令唔少收開三嚿水一單job 的龍女都爭取黃金場合曝光。被龍友喻為全年三大盛事的「電腦通訊節」，今年23歲、同樣擁有34D 上圍的龍女Elaine Tang （鄧鈺鈴）亦攝個好位擺明搵老細賞識。「希望有經理人公司老闆睇中我，簽我入娛樂圈。」
「龍女」出身的趙碩芝上年被大名娛樂老闆林建名睇中力捧，她的同門師妹Yumi 下半年亦脫離「龍女」行列強勢出擊。
「龍女」接二連三成功殺入娛樂圈，上位快過選港姐。週日（24日）在會展舉行的「電腦節」被龍友爭崩頭狂影的Elaine 亦話渴望做明星，「呢行咁多妹妹仔，我做咗咁多年都好想快啲衝出呢個圈。」
簽過Starzpeople ，由初入行時每個job 三嚿水升至現在千多元的Elaine ，之前亦在電影《早熟》及電視劇《四葉草》做奀茄，坦言恨做星的Elaine ，乜都肯搏，「除咗露點戲，你叫我著睡衣、內衣、泳衣我都得。」趙碩之都係靠身材勁又肯搏跑出，Elaine 想步佢後塵，冇難度。
勁過碩之
本週日，電腦雜誌《PCM 》於「電腦節」舉行「影友嚴選12位城中最紅models 」的寫真集簽名會，攝影發燒友葉先生（右一）一見Elaine （左一）就撲埋去嗱簽名兼大讚，「佢身材仲勁過趙碩之，我鍾意佢好多年㗎喇！」
Hit 爆廣告
做開私影「龍女」的Elaine ，舊年接拍「Yahoo!」的谷淚廣告，佢仲話自己一take 過，「我係真喊㗎。呢個廣告令到好多人認得我。」演技好過好多電視台姐仔喎！
師妹夠博
趙碩之（右圖左）師妹Yumi （尹曉蓁）（左圖及右圖左）原本也是龍女，憑著甜樣兼肯搏肯露，最近被大名娛樂老闆林建名睇中，力捧她做趙碩之第二。
夠性感Gloria Ling
分別入行1年及半年嘅封面女郎Gloria 同Lui ，被龍友嚴選為最索「龍女」，二人都被陳學鳴放入寫真內，「Gloria 似阿嬌，Lui 就夠sweet 。」
Sell cute 樣Lui Leung
一登龍門馬賽
寫真內亦發現今屆港姐季軍馬賽，原來佢當年都做過「龍女」。佢呢個bob 頭look 反而襯佢多啲。
必爆龍女
由Umovie 硬照攝影師陳學鳴推出的寫真集《My Diary 》，嚴選城中12位至紅「龍女」，有3年攝影經驗嘅佢大讚呢班女仔又靚又聽話，「我相信佢哋衝出私影界，愈影愈紅。」
開blog 吸客
若想做「龍女」除咗由model 、攝影、化妝、髮型師等朋友介紹，仲可以開blog 將個人靚相放上網，甚至列出近期工作，再留email 或MSN 給「龍友」聯絡約期，一般每次影3小時，起薪為$300一個鐘。密密做，都可以有不錯收入。
