最新圖片︰23/8
離開茶餐廳，阿嬌不再黑面，反而高舉左手向記者講bye bye ，但係因冷戰而除低嘅定情戒指即無所遁形！
年初的藝人淫照事件，事過大半年，對當事人來說，卻無法境遷。
CEO陳冠希避走荷里活等運到，玉女形象蕩然無存的阿嬌才是真正受害人，進修增值為求西方復活，事業前景茫茫，連半年以來互相支持共度難關的富貴男友Juno ，最近亦有離意。
據悉，深受淫照連鎖反應影響，阿嬌人前死撐頂得住，其實壓力爆煲，失眠多月還將男友當出氣袋，終於嚇怕Juno ，6月以來兩度炒大鑊，至今整整一個月斷聯絡，「龍嬌」正式進入冷戰期。
日本甩難︰13/8
情深Juno 去日本拍音樂特輯順便冷靜吓，但估唔到一返香港就再次同阿嬌炒鑊甘，一怒之下飛嬌。
錯愛陳冠希，落得「天真嬌」下場，本來是全港最紅女子組合成員之一的阿嬌（鍾欣桐），近7個月以來幾乎絕跡香港娛樂圈，事業上雖然大受打擊，所幸的是，還有男友麥浚龍患難見真情，常伴在側更多次公開插爆罪魁源頭陳冠希。可惜，共度過患難的一對小情侶，最近傳出情變。
2月︰「天真嬌」今年2月為淫照事件開記招，刻意晒左手無名指上與Juno 同款的Jacobs &Co.定情戒，「龍嬌戀」正式曝光。
反應波︰月初（5日）阿嬌被邀到浙江擔任開球禮同埋頒獎嘉賓，不過呢個活動係英皇主辦，算係試探觀眾反應。《蘋果日報》圖片
網友惡搞︰阿嬌接受《天使在人間》書內訪問，公開承認錯愛陳冠希後，反而被網友直插做第三者，繼續惡搞，自創下聯：「惡魔在心中」。
因為淫照事件，前途本身一片光明，而家話就話進軍荷里活，但淪為大茄做印度舞孃，一定唔多好受。《忽然1周》圖片
壓力嬌
從孖女變單拖，阿Sa 尚且話壓力激增好寂寞，莫講話拍檔阿嬌。據知情人士透露，雖然還有男友撐，但手停口停，半年以來阿嬌情緒深受困擾。「佢心理壓力好大，成日失眠，最誇張可以幾日冇
，言行真係有啲神經質。喺朋友同媽咪面前，梗係收收埋埋扮冇事啦，最後咪得Juno 做佢出氣袋。一次半次就話，Juno 都有少爺仔脾氣，耐咗梗係頂唔順！」
難忍阿嬌事事要
，一向視阿嬌為女王的Juno ，終於在6月首次與女友炒大鑊，激烈反應令手足無措的阿嬌，致電閨中密友呻：「班friend 都唔知點勸佢，惟有叫佢順其自然，反正佢同Juno 一齊時，都冇諗過可以keep 咁耐！」
過移民局，記者用咗分半鐘時間就順利過關，但Juno 就用咗十分鐘有多至過到，唔知有咩咁好傾呢？
到達日本，Juno 同友人、保鑣（左）去到停車場等車接，其間有講有笑，心情仲幾ok 喎！
出埠避
6月第一次正面交鋒後，據悉冷靜個多星期，阿嬌主動找回Juno 求和，但火爆情緒改善不到幾天又再故態復萌。前週三（13日）記者便在日本東京成田機場發現Juno 與大班工作人員行蹤，據悉，Juno 是次急飛日本是為無線拍音樂特輯；另一原意還是想冷靜一下逃避女友。身邊密友指，其實Juno 亦不好過，試過忍不住向朋友發洩：「再係咁落去，我都就嚟俾佢搞癲呀！」上週從日本回港後，再爆激戰炒鑊甘，由Juno 主動攤牌，雙方最終達成協議，讓感情進入冷靜期，至今阿嬌與Juno 已成個月沒有聯絡。
一身街坊裝嘅阿嬌，當晚去到極平民化、天后水星街嘅「不見不散」茶餐廳，入到茶餐廳仲
住面驚死俾人認出！
阿嬌當晚練完舞後去茶餐廳打躉，坐正喺佢隔籬嘅仲有原子鏸，乜原來佢兩個friend 㗎咩？原子鏸經理人寶佩就竟然話原子鏸根本唔認識阿嬌：「佢過晚同班dancer 同學食宵夜，突然見到有個女仔同佢哋打招呼，你（指記者）唔講，佢都唔認得佢係阿嬌。」
上週五（22日）Gucci 派對中，阿Sa 繼續單拖到場，咁岩撞正同場Juno ，理直氣壯對記者話同Juno 冇任何聯絡，擺明劃清界線。
而Juno 就表示唔知阿Sa 有到，不過就保持風度話：「係咩？見到面會打招呼，但都見佢唔到。」之後二人睇騷時中間只隔5個人都一樣冇講嘢，真係睇你唔到？
難復出
上週五（22日），Juno 與女友昔日拍檔阿Sa ，齊齊出現Gucci 秋冬時裝派對，Juno 雖堅稱與阿嬌常有聯絡，但就不似過往一般對女友行蹤瞭如指掌。反而好姊妹阿Sa 回復阿嬌代言人身份：「佢呢排買咗《詠春入門》過啲書嚟睇，希望完成做打女嘅心願！」
上週六（23日）晚11點，從Juno 大潭道豪宅遷回干德道寓所的阿嬌，練完舞後一身輕裝往天后一茶餐廳並徑自坐下來與友人寒喧，同枱還有原子鏸，見有記者拍照，阿嬌有意無意間不停揮手，手上再不見與Juno 的定情Jacobs &Co.戒指，之後便乘保母車打道回府。本週一，Juno 經理人Raymond 對本刊說：「Juno 差唔多成個月唔喺香港，咁冇見阿嬌都好正常啫！（係咪分手？）佢哋一直只係朋友！」至於人在北京睇完奧運閉幕的Mani 則說：「阿嬌都冇同佢拍過拖，何來分手呢？」
樓債甩唔到
除了03年購入、現時自住的干德道慧明苑寓所，阿嬌與母親莫寶珠共同擁有的「耀查投資有限公司」還在07年尾一口氣掃入羅便臣道31號兩個1,172呎的單位，共$2,840萬。
年初淫照風暴後，阿嬌幾乎全面停工，要食老本支付每月16萬的供樓開支絕對有難度。本來，出手
綽的男友Juno 大把貨協助女友供樓，可惜5月時又傳被反對二人戀愛的麥父麥兆棠閂水喉制止。
撲水供樓能力有限，阿嬌5月已經開價1,800萬想將羅便臣道兩個單位甩手，慧明苑亦同時以1,500萬放盤，碰著樓市回軟，據田土廳資料顯示，賣樓依然冇聲氣。復工又無期，樓卻要繼續供，難怪阿嬌大壓力啦！
人去blog 空
2月淫照爆發期，正是阿嬌避居Juno 家中、二人感情最好的蜜月期，Juno 當時勤力更新個人網誌，暗晒甜蜜感情生活，但近日戀情告急，網誌即時被鏟除，果然是二人情路最佳佐證。
生日大晒
3月生日的Juno ，在網誌晒生日收到情人的卡地亞火機，和MAISON MARTINMARGIELA 美金圖案銀包，盛傳是阿嬌所贈。還登出兩張去泰國私人小島慶生辰風光相片，指會與愛人並肩作戰。
小島度假
到了5月，Juno 再收Prada 鎖匙扣及BV 電話套，再晒情人有心思，之後又到泰國小島度假，好sweet 。
突然死亡
到近日，Juno 忽然封blog ，據知稍後將會重新改頭換面推出，唔通呢排冇晒心機？
