FACEweekly 每週嚴選全球最hot face 人物成封面icon ，本週是剛出處女EP 《今天將來》的JJ ，揀她因為……
1.大賣寫真直迫Theresa
剛於上月底結束的書展，JJ 與Theresa 、Angelababy 及趙碩之成為最熱賣寫真4大。
2.票選《內衣》贏Janice Man
剛於8月8日上映的《內衣少女》擔大旗外，同大隻仔安志杰有親熱戲，首日開畫已過百萬，截至20/8（上週三）累積票房已達765萬，網上更票選為眾女角中的No.1。
1.大賣寫真直迫Theresa
2.票選《內衣》贏Janice Man
天然不造作
終於唔使對住班幾乎複製人一樣的嚫模做訪問。冇假大眼、冇豬腸式鬈髮、冇左攝右攝的胸墊，唔造作非常真實……真情流露到，會任我們影狼食雞翼相，講嘢冇乜尾音，但離開前又會唔聲唔聲幫我執好衣架。
行年25，表面睇像19、20的嚫界女神Angelababy 、Janice Man 的大姐姐，但寫真集可以同Theresa 銷量相差無幾，網民投票《內衣》女角，票選又是no.1，相信御宅族鍾意佢夠真實，天生S身形，打扮唔「人工」，天然成分十足organic cotton 。
抵影樓前已吃過午餐，但仍外賣兩隻炸雞翼，平時外賣食乜多？「必勝客！」諗咗兩秒先知原來講緊Pizza Hut ，中譯後差啲唔知係乜，但望著JJ 「真」大眼講，又覺得同佢之前講「擦面」（指洗面）一樣可愛。
女神台下止步
有報道話JJ 拍《內衣少女》同Janice Man friend 咗，佢一聽到Janice 個名即搶住讚，「好掂呀！佢好識打扮，同佢行街見到朵假花，佢就即刻諗到用嚟當頭飾，我仲傻更更咁企咗喺度！」喂，你哋爭緊同一班米飯班主㗎，仲讚人掂，仲要係真心過隻。
3年前筆者跟JJ 做她來港發展後的首個訪問，當時她只識「唔該」、「唔識」同「唔知」廣東話，邊似得今日連潮語「JJ 」唔係解賈曉晨，解男性重要部位都知！「我知JJ 唔單只解我個名……」然後望著筆者尷尬傻笑。今日的她廣東話流利，但同當年講國語一樣，語氣不是想像中的女神般嗲聲嗲氣。
寫真集千嬌百媚解衣裳的JJ ，果真工作還工作，餘下時間就真係做番自己，「我一出世已經是伊斯蘭教，好保守，如果喺我阿爺過個年代，唔好話bikini ，我諗連背心都要槍斃，我父母到現在仍不知我影了寫真！」更有宗教人士在她blog 留言罵她，「他們話我影寫真，拍內衣戲有違伊斯蘭教規條，我好驚！」所以JJ 拍寫真前其實用了幾個月時間考慮，女神台下唔性感，正如大部分笑匠鏡頭後也不「笑口常開」，搵食啫！
發育期
宗教關係，JJ 家中衣櫃最多的是oversize 外套及樽領衫，包到
！
初抵港
06年首次來港，首個訪問就是筆者與JJ 做的，她當時比而家肥10磅。
最失意
未做美少女廚神前，是JJ 喊得最多的時候，做來做去都只係如《伊莎貝拉》中，飾Isabella 過身母親的二打六角色。
爬上位
《味分高下》中以梳打一角上位，孫耀威仲開口話索，掂！
勁罕！大食唔造作
明知攝影師影緊自己，但你睇，JJ 依然擦雞翼擦到幾咁滋味！再自爆打邊爐連隊3碟肥牛，冇咩唔怕認！
勁冧！幫手執衣架
影完相後，JJ 靜雞雞把之前hea 在枱上的衣架執好，連女筆者我都冧！
勁潮！硬膠都識
知道自己個名JJ 另有解釋外，連硬膠（藍圈）都識，仲讀埋出嚟，可愛！
勁慳！用$200袋
波點袋是平嚫牌Kitterick 、Keroro 、熊仔匙扣全是fans 送，用的是最務實的Nokia ，邊忽似明星袋？
