[香港] 投訴轉介豐澤逾月無下文

本報於過去三個月，接獲17宗與豐澤電器有關的投訴，當中主要與涉及未有如期送貨及售後服務欠佳，而最令人失望的是本報轉介予豐澤處理的個案，不少超過一個月沒有回應。
讀者林先生於7月下旬在觀塘apm 豐澤電器門市，訂購一部聲寶牌32吋液晶顯示電視機，價格為6,000多元，職員承諾於本月9日送貨。惟當日下午未有將電視機送抵家中，林先生致電豐澤查詢，竟獲覆預計至本月底才有貨，令他氣結。「佢叫我一係等，一係退錢！成半個月之後先話冇貨，仲要係我自己打去問，豐澤冇主動知會，實在不負責任！」
此外，讀者陳小姐於上月初在將軍澳君薈坊豐澤電器訂購一部樂聲牌雪櫃，四天後送貨。她收貨後發現雪櫃不夠冷，即聯絡豐澤跟進。「師傅上到睇，話係工人搬運陣撞歪個扇葉，整就好，但係整完都仲係唔凍，我去返君薈坊間分店講，點知佢反而話係我使用不當，唔肯換貨，淨可以整，好唔公道。」
本報於7月至今，連同上述兩宗個案，共轉介八宗投訴予豐澤電器處理，惟全部至截稿日仍未獲回覆。