同樣係長髮大眼，Yumi 仲要有胸有長腿，絕對有實力挑戰「嚫界女神」寶座！
趙碩之呢個暑假靠36D 巨咪成功上位，寫真集《夏》未夠一個月已賣清光，更密謀在今年年底推出第二本寫真集。據知，今次趙碩之仲打算搵埋同門師妹Yumi （尹曉蓁）打孖上一齊影，實行有錢大家搵。
趙碩之賣嘅係驕人身材，Yumi 雖然冇師姐嘅巨咪，上圍亦只有33B ，但勝在有42吋長腿搭夠，加上大眼長髮係嚫界女神指定條件，Yumi 絕對可以挑戰Angela Baby 同Janice Man ，做嚫界女神接班人。
8月初，Yumi 為動漫節任game girl ，師姐趙碩之特別到場探班，還準備了一壺靚湯為她打氣。
Yumi 雖然沒有驕人上圍，但身形比例好，繼台灣的吳佩慈之後，另一個九頭身少女的人辦。
中文名：尹曉蓁
英文名：Yumi Wan
年齡：20歲
三圍：33B 、23、34
身高：170cm
體重：49kg
學歷：新法中學畢業
工作經驗：模特兒、林建名旗下大名娛樂藝人
趙碩之師妹Yumi （尹曉蓁）同師姐一樣，都係模特兒出身，出道4年，雖然未拍過大型廣告，但憑住42吋長腿加高
身材，早已成為沙龍界女神。
據知，當日大名經理人公司（老闆是林建名）發掘Yumi 時，也是因為她在網上人氣急升，所以主動跟她聯絡面試。Yumi 最初收到電話，還是半信半疑，「我初初都唔信，仲擔心會俾人呃，所以叫埋媽咪陪我去見經理人，見完知道係正當公司，經過面試同試音，好快就簽約。」
自信爆棚
師姐趙碩之憑勁爆身材出位，上圍差一截的Yumi ，絕對不怕外界將她們比較。她自信十足說：「大家路線唔同，雖然我冇師姐身材咁好，但係我都好滿意自己嘅身材，特別係42吋長腿同一對大眼，就算嚟緊同師姐一齊影寫真集，我都唔怕俾佢搶晒鏡。」
身為「龍友女神」，Yumi 影過不少性感照，但她強調絕對沒有走光或不雅照，所以不擔心會被人起底，「我做model 時，最性感都係著三點式，擺甫士亦好小心，況且我同公司講明影過呢啲相，所以唔怕俾人翻舊帳。反而過陣時肥好多，上鏡冇依家咁好睇，所以唔係咁想俾人睇到啫！」
修身成功嘅Yumi ，身材肯定冇趙碩之咁震撼，但42吋長腿一樣有睇頭，睇嚟佢哋年尾去北海道影嘅寫真集，一定會令男fans 好期待。
上周二（8月12日），Yumi （右）單拖在太古城商場shopping ，為騷長腿，她在Quicksilver 買衫時，主力試背心、短褲和迷你裙。
Yumi 連三點式都不放過，還不介意將泳衣放在身上試，最後埋單更花了過千元入貨。
買衫專攻sexy item
大眼殺食
本身已經是大眼妹一名的Yumi ，原來同Angela Baby 及Janice Man 一樣，用埋同一個擅長化大眼裝的化妝師CoCo ，令她的一雙大眼睛更具殺傷力。化妝師CoCo （左）表示，由於Yumi 眼夠大，所以化嚫界潮爆的大眼妝，會簡單得多，「只要幫佢加強眼影同眼線部分就ok 。」
Yumi 呢個水著look 雖然較fit ，但擺甫士仍然未到家，似足日本的AV 女郎。
Yumi 當年連嫦娥都肯扮，可惜塊包包面仲要襯古裝，上鏡效果認真麻麻。
Yumi 以往影過不少水著相，不過身材仍有待改善，呢張腰間啲肥肉都幾礙眼。
龍友女神
在龍友界，「Yumi Wan 」人氣高企，做模特兒影硬照的收費約$800至$1,000，Yumi 連泳裝都肯影，所以極之受歡迎。
