古晨聽姚明教路，掃過萬名牌西裝送給即將飛美國為NBA 的男友，不過孫悅有六呎九吋高，買衫有難度。
近期積極踩入名模界，開model 公司力捧大陸名模的趙式芝，唔只簽到國際級的裴蓓，連國家籃球隊猛將孫悅女友古晨都收歸旗下。
男友在奧運表現出色，又即將進身NBA ，古晨由姚明教路，買定名牌西裝俾男友飛美國做國際球星。內外兼備，古晨有孫悅做裙下臣，連做了Model 多年的江若琳師弟，新組合Square 兩成員Gary （趙俊承）及Brian （李柏煥）都被迷暈！
孫悅與古晨自六月被踢爆拍拖後，二人交友網內的甜蜜合照已無晒影。
喺靚嘅唔好失禮！
半粒鐘使過萬
孫悅在奧運美中大戰表現出色，更是繼姚明及易建聯後，第三位進身NBA 的中國男球員。男友巴閉，古晨亦唔輸蝕，今年六月被踢爆與國籃猛將孫悅拍拖後，她在大陸人氣進一步急升外，再下一城簽約趙式芝旗下的「火石」model 公司，殺入香港！
雖然要分隔異地，但與男友一樣sweet 到爆，古晨連日留守家中睇實國家隊比賽，並聽足姚明教路，為即將飛美國打NBA 的孫悅買定名牌西裝。「姚明同孫悅講，去NBA 打波點都要著靚嘅，唔好失禮國家，所以咪叫女友喺香港幫佢買多幾件名牌西裝囉。」知情者說。
上週四（八月十四日），古晨現身IFC ，專吼名店，由Salvatore Ferragamo 巡到Ermenegildo Zegna ，行唔夠五分鐘，她已睇中一對貴價皮鞋，不過男友身高六呎九吋，店員表示沒有其所需鞋碼後，古晨即時露出失望神情。買唔到鞋，轉攻恤衫、領帶，半個鐘內買齊兩件恤衫、領帶及袖口鈕，埋單近萬，絕不手軟。
國內名模古晨（右二）與「翻版林志玲」孫賀麗（右一）來港發展，即相約做了model多年的新進組合Square 成員Brain （左一）及Gary （左二）食飯取經。
古晨唔只
掂孫悅，連江若琳師弟都被電暈，爭住幫佢影相。
Gary （左一）與Brain （右一）曾替LV 、Gucci 等國際名牌行騷，今年才正式簽約寰宇，與另外兩名成員組成Square 闖樂壇。
江若琳師弟導航
男友孫悅闖美，古晨亦決意效法熊黛林來港發展。初來
到，即孖住同公司，有「翻版林志玲」之稱的好姊妹孫賀麗，周圍向人取經。
上週五（十五日），二人與兩位六呎猛男在中環蘭桂坊附近食飯，兩男正是江若琳師弟，新進組合Square 的成員Gary （趙俊承）Brian （李柏煥），四人細聲講大聲笑，不停玩自拍，有美在旁，兩男早已暈酡酡。
據知，任職model 多年的Gary 與Brain ，曾替LV 、Prada 等大品牌行騷，去年與古晨及孫賀麗因工作關係而認識，如今二人留港發展，Gary 與Brain 順理成章做盲公竹。「Brain 同Gary未做歌手前幫好多大Brand 行騷，Brain 仲係LV 喺香港專用嘅model ，所以古晨同孫賀麗一嚟香港，就搵佢哋教路，順道
舊。」知情者說。
