戲中飾演一對嘅趙碩之同Brian 都玩得好開心，趙小姐不顧儀態起腳踢Brian ，有睇頭。
睇完趙碩之噴血寫真後，都知道36D 威力，老虎見到都想擔佢上山，何況血氣方剛衝動男。
趙碩之最近和新組合Square 成員Brian （李柏煥）合作拍戲波光劍影中，傳聞已經同Brian 互冧狂通SMS 。
趙碩之猛讚Brian 好好仔，但就話好少玩SMS ，可惜Brian 冇夾定口供：「上次港男我都有SMS 佢，問佢投邊個一票。」咁無聊嘅問題都SMS 一餐，仲話好少玩？
人人都覺得趙碩之身材勁夠惹火，而阿趙小姐又大讚Brian 型仔，後生仔女，行啦！
呢場戲講趙碩之跑上山追Brian ，跑成咁，好有動感呀！
雖然F4都out 咗，但本地新組合青靚白淨的Square ，都被喻為港版F4，未出碟但已引來OL 界著迷，當中成員Brian 同James （何尚謙），最近有份和趙碩之拍獨立電影《愛到發燒》玩三角戀。
人哋投邊個港男票都關你事？咁都唔熟？Brian 你有冇問你阿媽鍾意邊個大隻仔
？
互冧SMS 曝光
玩SMS 有咩好？講嘢可以大膽啲，刪除咗神不知鬼不覺又唔怕女朋友質問同邊個講電話，又唔會俾身邊人知你講咩，好似趙碩之早排做緊港男選舉評判都收到咋。另方面，本刊從趙碩之密友中得悉佢有鋪夜半撩Brian 玩SMS 癮，以趙碩之咁好身材，真係好易搞到啲仔成晚咋咋攣。
模擬SMS 內容
Brian 向本刊記者承認曾在港男選舉當晚主動SMS 趙碩之。難得佢咁清楚趙碩之行蹤，果然傾得埋喎。
模擬SMS 內容
據知趙碩之即場沒有回覆Brian 的港男SMS ，但佢就成日鍾意夜媽媽SMS Brain 撩偈傾。
做情侶當然有親密動作，36D 咁大陣仗，小唔小心都好啦，爭少少又揩到喇。
唔夾口供
6呎男遇著36D 女，即時乾燥話咁易撻著，記者收到風，趙碩之以夜半SMS 攻勢冧四方男，但傳聞因為Brian 背後有位嚫模女友Kelly
實真棘手。
記者上週到中環拍攝現場探班，傳聞採取主動嘅趙碩之，就話冇咁嘅事：「我好少SMS ，（佢有女朋友㗎喎？）係咩，我唔知喎！只係有次一齊搭的士，聽到佢講電話啲語氣似咋……佢都冇SMS 過我。」不過當記者問model 出身嘅Brian 時，佢就唔生性冇夾口供：「冇，梗係冇啦……係冇成日SMS 嘅，對上一次係港男我見佢喺現場，咪SMS 佢問佢投邊個一票咋。」怕唔怕你女朋友誤會？「之前講過冇拍拖啦，你有冇好介紹呀？」
雖然Brian 口口聲聲話冇拍拖，不過據聞之前喺Elite 做model 兼開班教新人嘅佢，一早識咗個學員Kelly Fu （傅嘉莉），後來開始拍拖，Kelly Fu 仲成為Elite 最紅model之一。不過Elite 經理人就否認Kelly 有拖拍，「唔係拍拖，佢哋係朋友啫，Kelly 淨係話見Brian 入咗行都戥佢開心。」
咁講法，Brian 受溝無罪，隱形正印蝕晒底。
左起：趙俊承、何浚尉、何尚謙
右：李柏煥《蘋果日報》圖片
《無間道Ⅱ》
女人湯圓
身高186cm （6呎1吋）嘅Brian （李柏煥），4年前加入Elite 當model ，除拍硬照外，還曾替不少時裝品牌行catwalk 。在今年初寰宇唱片部欲組一隊男子組合，Brian 經面試、試音後被取錄，正式入行。
而傳聞係Brian 正印女友嘅Kelly 傅嘉莉（左圖），原來早於03年參演過《當四葉草碰上劍尖時》小配角，之後更喺《無間道Ⅱ》上做過細茄，其後曾拍陽光檸檬茶、Rejoice 等廣告。身高5呎7吋，更有翻版徐子淇個朵，唔輸蝕得過趙碩之
。
組合Square 有幸做女神江若琳師弟，有呢個阿姐睇住，如果Brian 叻仔搞掂埋咪神趙碩之，唔驚冇話題啦！
