好多人都抨擊香港搞嘅電腦節，似幫腦場商舖散貨多啲，不過事實上又唔怪得晒啲參展商，根本好多市民去電腦節嘅心態，都係為
執平貨。上年賣LCD 芒、記憶卡、Printer 嘅攤位迫滿人，唔知真係以為唔使錢有金執。
我最近同相熟腦場行家傾開偈，問佢哋覺得今年乜貨會最好賣，大家都講話離不開「高清」產品。多口問佢哋其實電腦節賣到啲貨咁平，究竟有冇得賺？答案出乎意料係咁嘅：「未必樣樣都抵買，有啲Printer ，我哋電腦節個價仲貴過落舖買，不過可能貴一百幾十蚊，啲客一係唔知，一係唔覺
！」
畢竟好多用家都未必成日行腦場，唔知價仲以為電腦節執到筍嘢添！本來都有諗過趁電腦節買番部Printer ，依家真係要先格吓價，咪做水魚咁老襯！
Sunny Bao 備忘
年齡：20多
性格：寸，但有Point 。
社交：朋友大堆、女友無數。
知識：愛試新玩意，不斷Trade-in 買買買、玩玩玩。
職業：老闆，先達開舖。
