Kary 以背心短裙打扮開開心心會歌迷，不過她就投訴拍《絕代雙嬌》時，導演葉念琛偏心Stephy 。
現年22歲的實力派歌手吳雨霏（Kary ）和現年25歲的少男殺手賈曉晨（JJ ），昨日分別宣傳新碟。JJ 無懼近日旺角發現懷疑爆炸品，仍然選擇在該區舉行簽名會，可惜只有數十名fans 撐場，相反到將軍澳宣傳的Kary 則吸引近百fans ，氣氛熱鬧。
近百名fans 高舉紙牌支持偶像。
JJ 在旺角舉行簽名會，惜索簽名的fans 不算多。
吳雨霏和賈曉晨昨日分別舉行簽名會力谷新碟，Kary 身穿白背心配黃色短裙亮相，JJ 則以一身綠色tube dress 上陣，兩人雖不約而同以青春look 吸引歌迷，但論受歡迎程度，則以用歌聲取悅fans 的Kary 稍勝一籌。
Kary 搞笑地為男fans 化濃妝，模仿其新碟海報造型。
葉念琛偏心Stephy
Kary昨日在將軍澳新都城舉行「Lady K:Transformation 」簽唱會，吸引近100名歌迷撐場，她更親自替男fans 化妝，讓他們模仿其海報造型。這是Kary 推出新碟後的首次宣傳活動，由於近日旺角發現有懷疑爆炸品，為安全計，她選擇在室內舉行活動，Kary 說：「我本來都想揀旺角、尖沙嘴呢啲多人嘅地方，不過前幾日又話有危險品，為咗fans 安全著想就揀咗室內地方。」
Kary 又向記者投訴鄧麗欣（Stephy ）的緋聞男友、導演葉念琛，指他拍攝電影《絕代雙嬌》時偏心Stephy ，她說：「唔知點解我日日都喺香港最熱嘅旺角開工，仲要去埋啲又熱又污糟嘅後巷拍，但係Stephy 就好多戲份都喺室內，仲要好舒服。」不過Kary 投訴無效，葉念琛只是請她吃消夜補數，她說：「佢請我食嘢就當冇事，下次我要佢開戲搵番我做女主角。」
JJ 的fans 舉起大紙牌以壯偶像聲勢。
JJ 打底褲長過裙
另一邊廂的JJ 在旺角舉行簽名會，未知歌迷是怕危險還是怕熱，只有數十人圍觀，排隊簽名也只有十多名男士。問JJ 不怕炸彈嗎？她說：「唔驚，香港係言論自由嘅社會，相信係有人有少少不滿，就用呢啲恐嚇社會，應該唔會太大件事。」為免春光乍洩，JJ 做足防走光措施，她說：「我屋企打底褲多過內褲，而且長過裙，寧願俾人笑娘，好過走光。」
採訪：王連連、李珮洳
攝影：黃偉雄、陳順禎
