今屆北京奧運比賽樣樣精采，中國隊更加令人愈睇愈high ，難怪星期日奧運平均收視都有成25點。
睇奧運最火遇著啲九唔搭八司儀，廢話多多仲要以為自己好幽默，無線班嚫星主持張嘉兒同李思雅就係人辦，講錯嘢俾班網友
到暈。
不過點
都唔及李克勤，中美男籃大戰後，克勤諗住嗱頭彩學人搵姚明做獨家訪問，可惜姚明當佢透明，克勤又掛住擺pose 兼同阿叻吹水，連大圍訪問都幾乎甩埋，全港籃球迷睇住佢甩轆。
好彩克勤係契仔唔係記者，否則應該俾無線炒咗！
京奧開幕，克勤入到鳥巢high 到擺晒pose ，估唔到事隔兩日就
俾全香港人睇，不過體育科製作主任李漢源就勁撐：「克勤好熟運動㗎，（訪問唔到姚明喎？）呢啲好難講，佢都有遞咪
，都做到易建聯訪問
。」都話你係無線契仔啦！
少爺失手
克勤學做扑咪仔，不過就連支咪都唔肯揸，網友即時插佢似少爺，又幾中肯喎！
克勤就話新手唔知碇，估唔到做直播節目司儀好有經驗嘅Do 姐鄭裕玲一樣甩轆，連直播出緊街都唔知，喺度試咪：「一、二、三，呢啲唔係出街㗎呵？」
又突然擰轉頭鬧人：「你又咁大聲喇……！」阿姐都會失禮。
Do 姐開幕都衰過
姚明當透明 搞爛gag
賽後克勤（箭嘴）捉住易建聯做訪問，問到下一場對西班牙點打，易建聯答：「我哋會全力以赴！」之後阿叻就搞爛gag 話：「佢知我哋影佢，講嘅同我哋TVB slogan 一樣全力以赴喎！」，但其實姚明已在另一邊進行訪問。
冇人睬
岩岩認完叻話易建聯係佢個friend ，姚明突然在後面行過，克勤（箭嘴）即轉身叫拍檔扑咪，但姚明唔睬佢，淨係做手勢叫克勤去後面做大圍訪問，阿叻見克勤咁
即打圓場話：「都要輪住嚟㗎！唔緊要啦！都ok 嘅！」
唔夠高
見姚明做大圍訪問，克勤拍檔歐憲章才後知後覺衝埋去攝位，克勤就原地等運到，但因為歐憲章太矮，支咪遞極都唔到位，仲話：「佢好高呀，我支咪遞唔到埋去呀！」畫面就郁嚟郁去，出晒醜。
講錯晒
做完訪問，書童歐憲章即時遞番支咪畀大佬，不過姚明用英文講：「我聽到好多人呼叫，有時我感覺好親切。」但歐憲章就話：「我聽到姚明話呢場波同美國隊打得好緊湊喎！」完全錯晒，輸晒俾做足訪問嘅有線。
超低能孖妹
呻吟評述 李思雅
李思雅係香港網球代表隊出身做奧運主持應該有啲料到，可惜佢做評述太過投入，結果俾人話佢講嘢大聲冇point ，淨係識高八度狂嗌，代表作係上週六（9日）李小鵬唔覺意整親隻手，佢就大叫話：「啊~好痛呀~啊!」，有網友衰到話佢叫得似呻吟，最慘係有網友叫無線快啲換人，睇嚟李思雅真係要檢討吓。
李思雅做開《體育世界》主持，但上週六（9日）中國女排對委內瑞拉，成場波淨係聽到佢講：「好波」、「勁呀」，但係就連主將趙蕊蕊個名都
唔出。
高智真實對白
射中紅心係咪有10分？
我想睇吓姚明有幾高？未見過佢㗎。
好多人歡呼……全部中國人呀！
李思雅見國家體操隊李小鵬受傷，即失控大叫「好痛」，網友笑佢嗌到似呻吟，少少傷啫，咪咁失禮啦！
好少火花……
蘇聯嗱亞軍……
水火不分 張嘉兒
唔知豬港姐張嘉兒係咪卸任後搞到連啲基本智慧都放低埋，做奧運主持竟然錯漏百出，班網友除咗話佢成日木口木面似碌木外，最大件事係佢竟然喺萬民
實嘅郭晶晶三米雙人彈板頒獎禮上，將俄羅斯講成蘇聯，又話晶晶跳水冇火花，錯得咁離譜，應該最少俾人笑多4年。
網友踢爆佢講錯嘢，仲話張嘉兒木口木面，不過製作主任李漢源又解話：「佢有上訓練班㗎，你知我哋做節目幾急㗎啦，佢緊張啫，慢慢嚟啦，唔緊要，我哋收視幾好
。」
無線 星多夾冇準
無線今次奧運落重本吹大雞搵成班姐仔兼明星過北京直播奧運，加埋班專業評述員起碼超過30人，人多係勢眾，可惜水準唔多平均，而亞視以專業評述員做主打，班網友反而仲buy ，睇嚟無線都要快啲諗吓變陣。
吹水王 陳百祥
阿叻爛gag 極多，懶好笑問克勤：「有冇同喬治布殊揮手？」克勤又鬥吹：「有，仲讚我啲歌好聽添。」中美籃球賽中，阿叻又亂
：「點解搵Kobe 做guard 嘅？佢進攻咁勁！」連基本知識都冇！佢喺週一嘅祝捷會仲死撐：「我願意接受批評，但行動照舊；我係專登錯，我係主持，唔係專家！」
專業王 徐嘉樂
相反亞視收視平均得5至7點，但搵嚟第7次做奧運主持嘅徐嘉樂就勁專業，徐嘉樂話：「運動係我生命，我會不停進修。畫面上嘅嘢唔使我哋講述，專業評述員唔應該講笑，比賽時亦唔應該講太多唔關事嘅嘢。」暗寸無線得啖笑。
3大離譜位
無線主持唔專業，節目安排亂晒籠亦令觀眾愈睇愈激氣；直播咗幾日，已出現3大離譜位，真係諗起都火滾！
奪金斷尾
週日射箭決賽臨近尾聲，就喺最緊張時刻，無線突然中斷直播改播6點半新聞，事後又唔交代邊隊贏咗，要等夜晚重播先講，好在有亞視，唔係勁掃興。
訪問求其
無線除咗韓毓霞訪問好啲外，其餘全部唔合格，好似李思雅（左）訪問中國柔道金牌得主冼東妹（右）時，淨係識問人有乜感受都算，仲搭住對方膊頭想合照兼錫面唔俾人走，搞到冼東妹即甩開鬆人。
狂播廣告
TVB 勁多廣告，經常中斷直播，好似週日萬眾期待睇姚明嘅中國對美國籃球賽，TVB 為播廣告，連第2節開波都趕唔切直播，超級冇癮！
