身為諸葛後人，加上有4分1㗎妹血統兼屋企有啲貨，諸葛梓岐影相亦有啲態度，隻腳伸埋啲葉堆就嫌污糟，對於家陣模界競爭激烈，諸葛梓岐就好有信心話：「唔理人哋鍾意點鬥，我唔需要刻意加入戰團。」
要做嚫界女神，樣靚身材正係基本，如果加埋個潮爆勁朵就更加fit 。於是「嚫界女神」、「翻版樂基兒」周街係。
最近模界就有位24歲的諸葛梓岐（Marie ）啜好立克啜到班電車仔頭都暈。諸葛小姐有4分之1㗎妹血統已有優勢，姓諸葛又自稱係孔明第63代後人，中日混血兒加搬埋曾曾曾太爺出山，諸葛梓岐就話：「我氣質似日本妹，仲有祖先遺傳嘅小聰明。」識得食條《赤壁》水，應該唔只小聰明啦。
冧啜
「你班食肉獸
！」諸葛梓岐在熱播嘅好立克廣告中，啜完啖好立克再斜睥一下，好多網友真係以為佢係㗎妹㗎！
電暈
5呎7吋高的諸葛梓岐，拍完好立克啜啜廣告後，上月中首次行Kipling 的catwalk 便拍住樂基兒，憑33C 身材即搶去黎明嫂風頭。
除咗遺傳㗎妹同諸葛亮基因之外，在山東出世的諸葛梓岐最威係屋企幾有貨，身為家中獨女，父母做生意經常世界各地周圍飛，六歲便移居溫哥華住海邊豪宅兼有工人服侍，嬌生慣養的諸葛梓岐更自稱麵都未煮過一碗。
家陣同工人租住半山千呎豪宅，屋企咁有貨都要拋個身出嚟做model ？諸葛梓岐就話純粹貪玩：「我唔鍾意有任何束縛，每次公司接job ，都會問清楚我想唔想接，每次做完幾個job ，覺得
就放假去旅行，平均每個月都去日本shopping relax 。簽約做藝人就唔好喇，我又唔係等錢開飯。」大小姐嬌生慣養唔憂做，即係隨時玩厭唔做索模，各位電車仔要儲閃咭就快手喇！
諸葛梓岐亦自認有啲小聰明，在溫哥華UBC （卑詩省大學）中的BCIT 學院修讀設計系，不過舊年回港做model 未完成最後一年課程。佢話：「我自細唔使點讀書，都考到前幾名。」遺傳到啲祖先基因喎！
諸葛梓岐（Marie ）
年齡：24歲
身高：5'7"
三圍：33-25-34
出位工作：好立克、Canon 、位元堂及永亨銀行（與鄭中基合拍）電視廣告。
網友讚blue-blood
好立克廣告一出，班網友即刻好似發現新大陸咁個個讚佢索之餘，仲話佢好blue-blood 添！
諸葛梓岐話似㗎妹全靠氣質，睇佢喺blog 度戴住個假金髮，㗎妹係你啦！
自稱個個月去日本shopping 外，連long trip 都揀㗎妹最愛嘅夏威夷，泰國？㗎妹好少去㗎！
反擊假㗎妹
家陣本地嚫模成日扮㗎妹look ，反而有4分1日本血統的諸葛梓岐就唔恨扮㗎妹：「我覺得氣質仲緊要咋，唔係化個妝就扮到嘅。」咦？好有針對性喎！
貨車帽Janice Man
「緊身tee 、短褲、cap 帽我都會著，不過最緊要襯番自己身形，高
身形先好睇咋。」
金毛Angelababy
「我覺得唔需要刻意染金同電鬈啲頭髮，自己唔需要咁打扮。」
大眼傅穎
「平時我唔會畫粗條eyeline 同黐假眼睫毛，係人哋想令對眼長啲同大啲先會咁。」
後人講孔明
諸葛梓岐自細聽爺爺講諸葛亮的三國故仔，佢仲話在鄉下山東的諸葛村，見過家族的一卷絹布族譜。吳宇森執導的《赤壁》中金城武靚仔兼
哋，不過諸葛梓岐就話祖先一定冇咁有型但亦冇咁
：「我諗真正嘅諸葛亮係man 啲。」
孔明畫像
《赤壁》造型
諸葛梓岐話細個返鄉下有條山東村，曾經見過諸葛亮畫像，「家族重男輕女，大個咗都唔使再返鄉下，而家唔記得個圖點樣喇，不過印象中應該冇金城武咁型咋！」
堅料：
草船借箭——東吳因缺箭攻擊，諸葛亮命各軍在箭船兩旁插滿草人，半夜在大霧將船駛近曹軍，曹操令弓箭手亂放箭，最後劉軍收集十多萬支箭。
「爺爺話呢個戰略係最引以為傲嘅事，仲話當年周瑜為咗考驗諸葛亮，要10日內收集啲箭，最後3日就搞掂。」
火燒連環船——在赤壁之戰中，主帥周瑜為消滅曹操率領的大批水陸軍，以火箭再借助風勢擊退曹軍連環戰船。
「爺爺話呢個計謀，諸葛亮真係有份度㗎。」
質疑：
孔明借東風——傳說諸葛亮起壇，借強烈東風幫手燒曹船。
「哈哈，阿爺話可能只係咁岩順風啫。」
三顧草廬——劉備當年為說服諸葛亮幫手，三次親自去搵諸葛亮，最後諸葛亮被劉備誠意打動出山。
「我從未聽爺爺講過，應該冇啲咁嘅事。」
