周秀娜（Chrissie ）自從有個朵叫「A 貨樂基兒」後，不停有騷行，自然豬籠入水啦，不過講到搏，就今時唔同往日。上周五（8日），喺apm 舉行嘅「奧運金牌運動員開幕派對」，Chrissie 只穿著一件頭泳衣，結果俾全場唯一肯著三點式嘅李依琳搶晒鏡，李仲即場得到史畢茲讚賞。
Chrissie 搶唔到鏡不特止，佢原來事前更將腰背位嘅泳衣邊貼滿雙面膠紙防走光，認真誇張！唉！周小姐，呢件泳衣係一件頭嚟㗎，腰位根本冇可能走光，Chrissie 咁都要貼滿膠紙，係咪多此一舉呢！與其係咁，不如諗諗計，自己點樣唔會下體現形仲實際啲啦！
通常啲女模搏紅時，幾乎唔著都制，有小小名之後就惜肉如金，好似周秀娜咁明明一件頭泳衣都前黐後黐，係就係包冇走光，但成個下體現晒形呢吓弊（小圓圖）。呢啲就叫「阿茂整餅」，多餘啦！
相反李依琳搏到盡，一套金色比堅尼，雙峰呼之欲出，樣唔掂啫，呢身型格一樣搶晒鏡。
