■今個星期五至日，又可以食到山崎師傅嘅壽司，諗起都開心。
Fion本身是一個壽司迷，機玄巧合之下，入了銅鑼灣的Hip Sushi 「壽司派」做了差不多一年，而她來到之後才知，原來她工作的地方，相當值得自豪，「我哋係搵日本山海壽司師傅山崎正夫做顧問，佢係日本名人同皇室人物嘅至愛師傅之一，係現時日本江戶前壽司嘅代表人物，佢喺六本木嘅『山海』只有12個位，而且每位預算要近$1,200以上，但生客預約都要等近一年，熟客也亦要輪候3個月，佢之前嚟做顧問，都無公開做壽司畀客人食，但我就有幸試到佢嘅手勢，真係覺得好榮幸。而最開心山崎師傅今個星期五至日會嚟香港，除咗會指導我哋一班師傅之外，仲會喺呢三日嘅下午12點至2點半；7點至10點即席表演，品嚐由佢親手握製嘅壽司，我諗呢三日，我哋肯定又會做到索晒氣。不過又可以見到師傅，仲可以食到佢整嘅壽司，我都覺得好開心，辛苦少少都值。」
記者︰張一豪
女知客手記
■山崎師傅用「五握」完成一件壽司，動作流水行雲，今次香港食客都有機會親身體會。
■在日本吃師傅一個套餐，要$1,200左右，但現在$15一件起，超值。
壽司派（28906660）
銅鑼灣世貿中心P110-111店
