7月11號iPhone 3G 推出後個個朋友都離唔開呢個話題，八卦友不嬲又窮又low tec 當然唔會跟風買，但估唔到啲開發iPhone 軟件嘅Mac 友會照顧埋班車友，整咗個叫Dynolicious 嘅汽車性能測量軟件，利用iPhone 個G-Sensor 就可以計算到你部車嘅加速時間、行車速度、G-force 同馬力等。
計加速時間嘅資料勁詳細，仲可以測試埋G-force 同馬力。
除咗玩0-100km/h 計時間，飛緊車時仲可以顯示埋劈彎嘅G-force ！
用法仲好簡單，只要開咗個software 將部iPhone 放係杯架就得，據聞0-100km/h 嘅時間誤差最多只有0.08秒。講到佢咁堅咪好貴？咁又唔係喎，呢套software 只係賣12.99美金（約$100港幣），買車用G-force 要貴成20倍！只要上app store就即時買到，搞到唔潮嘅八卦友都想買部iPhone 3G 玩。
