「赤壁」網上遊戲代言人袋10萬 本周二，趙碩之出席代言的網上遊戲活動時，雖然收起最煞食的36D 巨咪，只露出25吋小蠻腰加誘惑恥骨，一樣電暈在場fans。
靠36D 巨咪上位嘅趙碩之，書展期間推出性感寫真大賣15,000本，本周二（8月5日）再出任網上遊戲「赤壁」代言人，兩星期共袋25萬。據知她除咗月尾會推出唱片，年尾又再出寫真集第二擊，仲有四、五個廣告傾緊，可謂財源滾滾來。
露肉搵錢咁辛苦當然要好好獎勵自己。上周六（8月2日）趙碩之去完動漫節後，趁空檔到圓方商場shopping ，短短45分鐘豪使萬一蚊。事後她解釋日日俾人
巨咪壓力大，惟有買嘢嚟減壓。
寫真集袋15萬 趙碩之的寫真集印20,000本，在書展已賣出15,000本，其餘5,000本據知在動漫節都賣得七七八八，令趙碩之唔夠兩星期便淨袋近15萬。
趙碩之每次出現，男fans 及龍友有如螞蟻見蜜糖一樣，爭相和她合照，本周二亦唔例外，趙碩之亦相當識做來者不拒。
本來在青春劇《四葉草之盛裝舞步愛作戰》做配角的趙碩之，憑住激凸好身材紅過女主角衛詩雅，更順勢在書展推出處女寫真集《夏》。雖然趙碩之本寫真集只在大澳取景，唔及假大眼Theresa 本寫真去日本拍攝咁落本，但胸大殺晒，銷量一樣直逼對方，簽名會更墟
到中途腰斬。
上周三，趙碩之寫真集舉行祝捷會，老闆林建名出現撐愛將，趙碩之亦禮尚往來胸壓對方手臂，搞到林生硬晒軚。
唔慣身材成焦點
上周六（8月2日）下午約三時，趙碩之現身動漫節，除了探出任game girl 的師妹Yumi 班外，還專登巡視放在玉皇朝攤檔寄賣的寫真集銷情。一向甚得龍友（攝影發燒友）和男fans 歡迎的趙碩之一出現，即時引起現場一陣騷動，搞到她要全程以雙手護胸。記者問她經常要性感示人會否有壓力，她無奈地說：「最初大家只係留意我身材，都有啲唔習慣，依家好啲啦！」
之後趙碩之要為《香港先生選舉》到電視城任評判，但趁著短短個多小時空檔，她馬上與經理人趕到圓方商場先醫肚後shopping 。當日所見，唔知趙碩之係咪要平衡露肉心理，除了相當擦得外，還出手闊綽，不論是手錶、手袋還是靚衫，睇岩就買，完全不經思索，結果45分鐘就花了過萬元。
本周二（8月5日）中午，趙碩之再次亮相動漫節，為代言的網上遊戲「赤壁」造勢，據知今次代言費更超過10萬，難怪她日前行街搏命買嘢。對於失控fing 錢一事，趙碩之接受訪問時表示可能跟壓力大有關，「呢排啲工作排得太密，真係好耐冇行過街，所以見到咩都好想買，同埋我呢排又好少機會陪屋企人，過日順便買啲嘢送俾佢哋啫，平日我唔會咁癲㗎！」間唔中失控就無所謂，千祈唔好變病態就得喇！
2/8fing 錢實錄
先醫肚
趙碩之寫真集賣得，即宣布添食年尾再出，但為了減壓，她一樣唔錫身，炸雞髀咁肥都照食。
Lancel 袋約＄7,000
食完嘢，趙碩之去了法國名牌手袋Lancel 逛，唔使十分鐘已經買了新款的1876橙色手提旅行袋，事後佢話個袋係買俾媽咪旅行用。
Swatch 手錶兩隻約＄2,500
行到賣手錶的Swatch ，趙碩之一樣唔放過，15分鐘即買了男女裝手錶各一隻，佢話一隻送俾爹哋，另一隻就送俾家姐喎！
Lucky Brand Jeans 連身裙三條約＄1,500
到買衫時間，趙碩之足足用半個鐘試衫，最終買咗三條裙出席活動著，全部都係吊帶低胸款。
趙碩之買得興奮得滯，試衫時忘形烏低身整理，即時春光乍洩露波罅。
雖然趙碩之以性感掛帥，但係話晒得廿歲女，所以試完衫都要問問經理人（右）意見，先決定買唔買。
45分鐘豪花$11,000
