我做硬第一狗！
美國總統大選在即，麥凱恩VS 奧巴馬，十足荷媽大戰紅姐，點止開口埋口夭心夭肺，但求一票，甚至連屋企班四隻腳都要為入主白宮搖尾拉票！
事緣美國寵物商品製造業協會的一項最新統計，全美國有63%家庭飼有寵物，兩大流派包括8,800萬隻貓及7,500萬隻狗。於是Knowledge Networks 旋即順勢做了一份相關民調，發現有飼養寵物的選民之中，麥凱恩以42%得票率，領先落後幾個百分點的奧巴馬（其餘no comment ），理由是麥家有齊狗、貓、烏[龜、鸚鵡同魚：綜合意見認為「養寵物的人富有同情心」；「肯承擔值得信任」。
嘩呢鋪又蝕章仲得了嘅！班幕僚智囊第日已經即刻撲出嚟放聲氣，話奧巴馬同兩個女講掂數，承諾大選一完便養狗，爭取呢圈龐大票源，亦秉承美國總統都鍾意養番隻第一狗的傳統。問題是，係人都知奧巴馬位千金有哮喘，點養狗呢？美國養狗俱樂部於是又搞咗個民選，為奧巴馬闔家在芸芸四隻腳之中，甄選出五強低致敏性狗種：貴婦狗、史納莎、比熊犬、愛爾蘭軟毛
以及醜到爆的中國冠毛犬，網上一人一票，公投選出未來第一繼承狗。
喂鍾意錦鯉嘅煲呔曾，不妨諗諗佢養番隻博好感。
但我唔打算change ！（設計對白）
高票第一位：貴婦狗
跑出原因：樣cute ，動靜皆宜，舉凡雌性動物都
。乜size 都有，宏寬彈性尺度足以遷就不同家居口味。最緊要唔會甩毛，髮如絲幼長，柔順軟滑易打理，兼天生冇難聞體臭。
從毛入手
所謂低致敏性的狗種，分野不在基因血統體積大小，在毛髮種類。
不論玩賞犬/ 工作犬/ 獵犬/
犬定牧羊犬種，都只有四種毛質：長、短、鋼毛或者無，全部有辣有唔辣。長毛狗如牧羊、阿富汗等，要日日梳毛以防底層打結，每兩星期左右沖一次涼防污除菌（但沖得太密會有皮膚病；沖得太少又會身臭起屑），還要吃美毛膏保持亮麗髮質。唯一好處是自然脫下跌落地的毛髮，往往因為太長而捲成蛇餅狀，打掃吸塵方便，頂多有鼻敏感。拉布拉多或比高之類短毛狗最大鑊，以為梳理容易，有乜冬瓜豆腐開大條水喉沖就得咩，錯呀！毛短如人類眉/ 睫的長度，輕似風，可隨空氣飄墜，即是直接吸入鼻孔又得，直接呼吸入喉嚨支氣管都得，是呼吸道脆弱的小孩、老人或哮喘長期病患者剋星！
無毛狗話明無毛，好處唔使講。鋼毛最常見於
犬科，要不短如鋼針粗硬，要不濃密鬈曲，甚至結構double ，分內、外層披毛。正因為底面各具功能，例如底層散熱面層防水又或底層保暖面層擔當保護色（視乎產地氣候功種），故集各大優點於一身，屬低致敏性的狗種首選，適合想養狗，但屋企有老有嫩家庭。
美英有別
同是第一狗，兩屆美國總統都愛養黑古勒突狗種襯托白宮；英國王室則偏好可hand carry 的短腳威爾斯歌姬犬，深得兩代女王寵幸！
其餘候選低致敏狗種
比熊犬
跑出原因：毛密如絲絹幼滑柔軟，同貴婦一樣都屬於天生無體臭狗種。但更多一分矜貴——19世紀以前，常見於歐洲皇室貴族，是上等人的鬥靚玩賞犬。
長毛種
中國冠毛犬
跑出原因：分長毛及無毛（僅止於頭頂、四蹄及尾部各有一小撮怪毛），而被美國養狗俱樂部踢入五強的，則是無毛款。但講樣，醜到無話可說。
史納莎
跑出原因：毛質鋼粗濃密而自然攣。Size 同貴婦有得揮，IQ 高記性好耐力強極易train ，但比貴婦更多一分好處，是運動潛能大，陪跑步陪行山，最岩！
愛爾蘭軟毛
跑出原因：Natural curl 的中度鬆散毛髮，天生唔易甩，甩咗都容易執。中小型尺碼，好動善泳，是真真正正的入水能游出水能跳family dog 。
