2/8同車密友
離開車房時，呢對哎
姊弟仲向鏡頭say bye ，《溏》劇收視好，人都冇咁易黑面喎！
《溏心風暴之家好月圓》晚晚有高潮，荷媽集集講道理，Sa 姨就開口埋口叫嗱番嚟養嘅楊怡做「嗱女」，受盡委屈。
楊怡劇中苦del del ，與冇乜對手戲的哎
細佬黎諾懿，在戲外確實一家親。上週本刊撞正28歲的黎諾懿上門接楊怡媽去街街，翌日就孖實「家姐」去車房，事後29歲楊怡大方承認：「兩家人都好熟。」雖然二人各自有秘密情人，但行得咁埋，好易令人誤會啫！
唔使拍劇嘅楊怡，背心短裙就出得街，身形仲keep 得好fit 添！
唔係整緊自己架車，黎諾懿都睇得咁入神，係學緊嘢
，定監督緊師傅呢？
楊怡用嚟接載黎諾懿嘅Mini Cooper ，車主係佢鄉紳男友藍偉傑，車牌830是楊怡的生日日期。
《家》劇楊怡和黎諾懿交流雖不多，但由於之前已有多次拍檔，合作無間二人漸成密友，近日二人關係更friend 埋入屋。
楊怡以為又問感情嘢，先畀個下馬威記者睇先，知道問有關同哎
細路黎諾懿嘅嘢後，個人即刻nice 晒！
情同母子
上週五（1日）下午約三時，黎諾懿孖住楊怡媽，在楊怡將軍澳中心的寓所步出，再登上黎諾懿的私家車直駛藍田匯景商場閒逛，約半小時後，黎諾懿儼如孝子般搭住楊母膊頭離開，再充當司機載楊母返家。
翌日下午四時，哎
細佬先到楊怡家集合，再駕著由楊怡的鄉紳男友藍偉傑名下的Mini Cooper ，載住哎
家姐直踩新蒲崗車房換呔，其間黎諾懿雖未有落手，但全程
實師傅，不容有失。本刊記者被發現後，索性直問黎到訪楊怡香閨，又做柴可夫接楊母外出儼如楊家人，但黎則扮傻：「冇呀，冇呀！」然後雙雙上車，更擠出笑容向鏡頭揮手。
1/8一母孖份
黎諾懿搭住楊母膊頭，如果我唔話你知佢係楊母，你一定以為佢係黎母啫！
楊怡同黎諾懿經常在公開場合咬耳仔，幾時係戲幾時係真，好難分。《忽然1周》圖片
閉門一家親
楊母睇嚟都坐過多次黎諾懿車，唔係邊有咁駕輕就熟上車呀！
唔認男友
本週一（4日）一眾《家》劇演員出席祝捷會，記者問楊怡有關黎諾懿上屋企接伯母一事，楊怡先煞有介事地望實記者，再說：「你邊隻眼見到佢上我屋企呀？佢喺樓下等之嘛！（你哋兩家人都好熟？）其實都好熟㗎喇，我會同佢屋企人食飯，佢都會。（咁覺得黎諾懿點呀？）佢係個好肯幫人嘅人，又靚仔又夠高咋！不過我哋係唔會突然由朋友變鍾意過種。（咁你男朋友藍生唔介意咩？）同朋友食飯好正常咋喎，而且我冇認過佢係我男朋友！」
戲內嗱女有荷媽錫，真人楊怡有自己阿媽錫，更有黎媽錫，萬千寵愛在一身喎！
《家好》金句潮語速讀
《家好》hit 爆，一開波明刀明槍劇情發展直升機咁快，最重要扑中觀眾心理口味，主攻鬧交戲，集集都有高潮位，上週最高收37點。嚟緊呢個星期，都有唔少熱爆金句，唔識你就out 喇！唔只金句，仲有荷媽一家人先聽得明嘅屋企人「潮語」呢！
本週一《家好》搞祝捷酒會，收視梗係由荷媽、莎姨公布啦，嗱女楊怡仲話希望可以拍足7、8輯續集喎！
金句
阿卡：阿婆走得快，一定有古怪！(第3集)
眾人：行路莫怕山，行船莫怕灘！(第4集)
眾人：唔使驚，荷媽喺大廳！(第3集)
荷媽：青春冇失敗！(第5集)
公公：你唔好were 住我，我驚你連我過八十幾蚊都嗱埋去呀！(第5集)
：貞婦晚年失節，不如老妓從良！(第9集)
公公：導前頭婆個仔升仙！(第8集)
荷媽：人在做、天在看！(第8集)
紅姨：我呢個後底
，對得人，拜得神！(第8集)
《家好》編審金句之王
《家》劇編審張華標話，呢啲金句都係由創作小組度出嚟，但就冇咩特別出處。至於過啲嗱女呀、齒死你呀，就係聽佢屋企啲老人家講得多啫，問佢邊度鄉下佢就死都唔再講落去；才子陶傑就話呢啲多數都係廣東省人嘅術語，老人家講吓就變金句，所以話呢，家有一老真係如有一寶㗎！
潮語
‧嗱女（嗱返嚟嘅養女）
‧苦del del （形容人苦口苦面）
‧齒死你（死纏唔放）
‧egg 棟ground （倒地聲，激死咗！）
徐子珊（第22集）出場
做關菊英個女，做大奸角。
李國麟（第19集）出場
做紅姨老公，即係鍾嘉欣個生父，花名面油強。
葉翠翠（第9集）出場
做林峰前度女友
梁舜燕（第22集）出場
做阮兆祥阿媽，今次唔貪錢。
姚嘉妮（第22集）出場
做黃宗澤女朋友，後被鍾嘉欣介入。
韓瑪莉（第14集）出場
做楊天經母親，反對佢同啞妹法拉一齊。
黃宗澤（第16集）出場
飾演婦產科醫生，同鍾嘉欣日久生情。
阮兆祥（第22集）出場
做莎姨葡萄牙的情人，回港後仲同莎姨結婚。
輪住出場
爆本週鬧交足本對白
鬧荷媽，莎姨鬧嗱女，連子蓉扯火鬧Jo 鮑……未完呀，呢個星期只會更加激，第8集已有法庭戲，跟手荷媽鬧紅姨，鬧足20分鐘，大家要背熟啲對白喇！
第8集爭招牌
荷媽、Jo 鮑兩家人為咗爭「家好月圓」個金漆招牌鬧到上法庭，Jo 鮑聽老婆阿紅話，喺庭上講大話，話係荷媽塞個招牌畀佢用，勁cheap 呀！
Jo 鮑：大家用common sense 諗吓啦，又唔係咩國際名牌，春秧街一間爛鬼罨耷餅鋪咋嘛！唉，先撩者賤，打死無怨，一於照律師意思去做，呢亭人唔受教訓唔得嘅。
第8集鬧紅姨
呢場戲就激咯，兩個老戲骨鬥戲，講狼死殷紅被Sa 姨話佢係白粉拆家，導人升仙，佢即刻告阿Sa 誹謗，要佢賠四百萬，搞到荷媽要低聲下氣拎20萬利是求殷紅和解。
荷媽：我本來都唔奢望你呢個後底
教好我個仔……你唔使辯駁，人在做天在看！明眼人亦都睇得出你立咗啲咩嘢心腸！我要講嘅嘢亦都講完！究竟你哋可唔可以脆脆哋收咗呢封利是，了結咗阿莎呢單官司呀？
呢場戲有好多頁紙對白，順咗就唔難記，有好多特寫鏡頭，過日仲比預期早咗收工添，好順利，呢場啲鏡頭拍得好靚！
第9集後底
阿卡（大仔陳豪）唔生性成日掛住炒股，炒到被人炒魷魚，後底
紅姨阿媽鬧仔，點知被阿卡鬧翻轉頭話佢冇資格！
阿卡：呢度個個都鬧得我，碧姐、歡姐都鬧得，係呢個女人冇資格鬧我！
紅姨：我係你阿媽，我點解唔鬧得你呀！
阿卡：我阿媽得一個，佢叫鍾笑荷！你咁鍾意教仔，你咪自己生個出嚟教咋！
呢一場我用咗好多力去鬧交，不過之前做咗咁耐都冇乜壓力，只係排多幾次戲，好在NG 唔多，今次做奸好好玩。
第7集反骨仔
Jo 鮑搶走咗「家好月圓」個金漆招牌不特止，仲要荷媽過邊拆招牌改名，激到公公
跳，真係賤格佬呀！
公公：你個反骨仔！我悔恨我當初唔聽我死鬼女人講，佢話你青雞面、耳後見腮呀！
Jo 鮑：黐線㗎！無啦啦嗱咗人地個招牌，我先至係「家好月圓」個老闆！
怕醜中仔起底
飾演甘家孻仔嘅甘永中熟口熟面，原來係《東張西望》主持，叫溫家恆。佢做《東張西望》時被《家好》監製劉家豪睇中，貪佢英國返嚟鬼鬼哋好岩個角色，就係咁佢就有得拍呢套熱爆《溏心》續集啦。
在倫敦讀完經濟返嚟嘅溫家恆，在《東張西望》內成日訪問外國明星，英文掂。
在《家好》做木獨內向細佬，溫家恆真人都係斯斯文文，最近已有fans 為佢做咗3個個人網頁，仲有唔少人讚佢靚仔添！
下週一（第10集）成集都圍繞中仔，講佢唔鍾意在美國讀書，由曼城逃學返香港，俾荷媽知道咗，成家人夾計幫佢呃Jo 鮑同紅姨，呢集超搞笑。
