高海寧擁有天使面孔及34D 魔鬼身材，難怪無線高層樂易玲睇好佢。
負面新聞一大籮，被封「大話港姐」的高海寧，雖然大熱倒灶三甲不入，但好彩執到個由康泰旅行社選出嘅「旅遊大使」安慰獎，加上無線高層樂易玲又錫到佢
，面輸實贏。
港姐只是踏腳石，金龜大茶飯先要緊，魔鬼身材，又識social 嘅高海寧嚟緊將會頻頻出席公開活動兼到海外宣傳香港，大開眼界之餘，最重要係大把機會識老細。上週高海寧已到旺角揀定性感戰衣，ready 去食大茶飯。
出席完慈善騷，高海寧即到旺角勝利道一間時裝店試性感戰衣，所揀嘅半價咗都要約600蚊，港姐出名人工低，但要釣金龜梗係唔著女人街貨色啦。
有仔冧
上週五出席完港姐慈善捐贈儀式後，高海寧就黐亞軍陳倩揚車坐，只見個個港姐空手離場，惟獨高海寧有人送花，仲有男fans （右）門外等。
黃士心
黐老細
早前康泰旅行社舉行頒獎儀式，老闆黃士心同一班港姐傾偈，高海寧攝個靚位黐老細仲彎晒腰特別恭敬，難怪黃士心當眾讚：「高海寧青春又夠靚，我畀佢最高分㗎！」
高父歎
後父曝光
高媽豪語
我老公做銀器首飾設計，檔口啲貴貨就由佢design 。
何文田個單位我自己買㗎，住咗好耐啦！我有幾層樓收租啦！
高媽捱
我仲有兩個貨倉，同一間office 㗎！唔好話我有錢喎，我驚畀人標參呀！
高媽雖然話自己有樓又有鋪，但見佢每日喺熱到死嘅女人街檔口踩足12粒鐘，咁辛苦，難怪高媽趁冇客嘅時候即煲番支煙抖氣。
影過裸照嘅高海寧，雖然只得番個「旅遊大使」豬肉獎，但賽前樂易玲已擺明撐佢，仲話輯裸照影得靚，有樂小姐照住，高海寧入TVB 做姐仔絕對no problem ，不過做藝員人工始終低微，要住好著好釣金龜先最實際。
揀定晚裝
住個「旅遊大使」銜頭，高海寧大把機會接觸各界名流紳士，機會擺在眼前，不過都要執靚靚先有power 釣金龜。
上週五（1日），出席完TVB 港姐慈善捐贈儀式後，高海寧即孖住兩個女性友人到旺角揀定戰衣做裝備，當日高海寧趁該鋪頭半價清貨，就連揀3件晚裝試身，所試親都係low cut 同吊帶裙，唔性感唔揀。
捱12粒鐘
高海寧就揀定靚衫做大明星，但高媽就日日喺烈日當空開檔賣銀器搵食，記者所見，高媽每日由晏晝12點開工開到凌晨12點，雖然於30幾度高溫日日踩足12粒鐘，但見她sell 客多過做生意，捱得咁辛苦估計收入雞碎咁多。
高媽撐女
上週二（29日），記者到高媽檔口，一問到高海寧落選有冇戥個女落選唔抵，高媽仍然忿忿不平。
F ：《FACE 》 高：高媽
F ：樂小姐好錫你個女喎！佢入硬無線做明星啦？
高：佢冇同我講過我唔知！Sorry ！
F ：想唔想個女似葉翠翠釣金龜呀？
高：呢啲靠佢自己啦，理唔到佢。
F ：贏唔到，有冇覺得造馬呀？
高：同你哋本雜誌所講（指冠軍張舒雅有uncle 評判王敏超關照）一樣，我相信絕對有（造馬）。
F ：個女而家有冇拍拖？
高：我唔知，我個女大把人追，就算有男朋友我都唔會畀佢喺出面過夜。
大話妹高海寧，之前唔認阿媽做小販，但高媽依然咁撐佢，高海寧第時釣到大茶飯，記住孝順阿媽啦！
