嚫界女神Janice Man （文穎珊）一向玩保守誓死唔肯露，不過新戲《內衣少女》中，女神就化身阿叔殺手力追中坑陳輝虹，仲要著住tube top lace 短裙玩鋼管舞，女神玉腿磨爆硬金屬，帶電車男進入奇妙幻想世界。
Janice Man 金毛假大眼引發女神效應，成班MK 妹跟住照dup ，女神冇晒性格當然係時候改變吓；「街上太多Janice Man 喇，我要改形象，唔想咁多人似我。」
女神轉形象梗係好啦，難為班嚫妹又要使錢置裝啫！
打底孖住上
新戲Janice Man 要跳鋼管舞色誘陳輝虹，雖然只係短裙加tube top ，不過Janice Man 就話好緊張：「話晒係我第一次著咁少布拍戲，加上又要做咁多高難度動作，好驚走光，所以我著咗兩條打底褲，希望唔會走光！」雖然Janice 只係速學咗10分鐘鋼管舞，但係一埋位就好快上手，再嚟一個毒蛇鑽，係仔都死啦，莫講話中坑。
我換畀你睇啦！真實對白
新戲雖然同內衣有關，不過Janice Man 話自己冇著內衣鏡頭，頂多都係揸住個bra 扮cutie 電陳輝虹：「你想睇呀？我換畀你睇啦！」
死纏中坑
在戲中飾演內衣sales 的Janice 勁冧有米藥劑師陳輝虹，為咗釣金龜，Janice Man 不惜同陳輝虹走去學鋼管舞，好上進喎！
Angelababy
Janice Man
Janice Man 新look 喺Xanga 已經有得睇，不過網友唔多buy ，長髮始終係至愛。
姊妹bob 到正
Janice Man 唔想同其他女仔撞look ，所以實行由長髮變短bob ，佢話：「我近排出街，發現多咗好多同我一樣嘅女仔，你知做model 要好有個性，所以咪喺日本買咗幾個bob 頭假髮，希望改變吓髮型。」諗住行先一步，點知好姊妹Angelababy 上週五（1日）卻靜靜雞bob 頭新look 出席化妝品牌活動，兩姊妹十足孖生，係咪夾定㗎？
