新戲將以bob 頭造型示人，行慣catwalk 又讀fashion 的趙碩之話扮妖艷亦冇難度。
做四葉女紅過女主角衛詩雅、書展寫真大戰，銷量又直迫賣書女王假大眼Theresa ，簽名會墟
到中途腰斬，呢期人氣最強，唔使講，係36D 趙碩之。
巨咪寫真在書展鋒芒畢露後，電影、廣告甚至唱片合約ready 出擊，食過翻尋味，趙碩之下半年乘勝追擊籌拍冬季三點式更激寫真。
好嘢留番逐步晒，上週出巡動漫節竟包到
，為本刊拍封面照的趙碩之，換上bob 頭野性新寫真look ，仲醒話：「而家露少啲，留番嚟賣
嘛！」原來巨咪吋吋金！
剛落幕的書展寫真大戰，竟然出現意外賽果。《四葉草之盛裝舞步愛作戰》新人趙碩之寫真集《夏》，打出36D 巨咪，力壓嚫界女神Angelababy 和JJ 賈曉晨，拍得住「UFO 」飛底谷書的傅穎，$68本狂賣超過15,000本，靠咪食糊。
處女寫真《夏》走清純look 賣得再添食，趙碩之話冬季版寫真將會挑戰尺度更有睇頭。
Bob 頭追擊
跑出變書展女神，21歲趙碩之即密密錄音進攻樂壇，擔任網上遊戲代言人兼唱埋主題曲之餘，又被寰宇睇中擔大旗做青春愛情電影《愛到發燒》女主角，與OL 新至愛組合Square 其中二子James 和Brian 大搞三角戀，新咪神仲會在新戲中一試bob 頭新造型，玩野性look 引仔：「Bob 頭係導演林震宇意見，不過試落自己同經理人都好滿意，希望年尾寫真集添食時都用都呢個造型。」
搵到錢，老闆林建名即時落重本添食，趙碩之梗係要錫多老闆兩啖。《蘋果日報》圖片
揼本添食
處女寫真在大澳取景，由老闆林建名（大名娛樂）借出跑車同遊艇做道具，成本有限卻一再加印。
勢好當然要追擊，趙碩之第二輯寫真已經籌備緊。據悉，第二炮經理人公司還鐵定拉隊往北海道攝製，製作費比頭炮保守估計貴兩倍：「到時冬天去到北海道，都唔會怕凍太密實，會浸溫泉又會喺雪地著bikini ……性感啲都唔怕，最緊要靚！」
上週六（2日），趙碩之往動漫展探師妹Yumi （左）班，順便霸埋龍友聚集嘅Gamania 攤位有利位置，包到
一樣吸引大班龍友。
Fans 疏
相反小背心加短裙的賈曉晨（JJ ），在代言online game 簽名，則只有10多位死硬fans 撐場，事先張揚會在動漫出書，亦不了了之話會推遲。
簽名靜
打天才波
靠巨咪上位，趙碩之死撐性感得來不賣弄，未算行性感。被大名娛樂睇中前，就讀IVE Fashion Business 學位課程的趙碩之，還差兩個月就畢業，輟學參演《四葉草》，趙碩之就話自己唔係發明星夢。
原來家住跑馬地比華利山1,700呎豪宅，父親還是工程師（資格獲英國認可），中學又讀名校聖保祿女子中學，屋企有貨的趙碩之仲話自己有fashion sense ，隨時唔撈開時裝店自己做老闆，露得多絕對唔係為博乜：「我細個都唔覺自己身材特別好，最多PE 堂換衫，會覺得自己上圍比同學大少少。我從來冇keep fit 保養胸部，可能自細劍擊、跳高、游水咩運動都做啦。17歲過年，都試過有變態佬打電話話：『想同你做愛！』，我又唔覺係因為自己身材突出引到呢啲人，最多咪唔再聽冇來電顯示嘅電話咋！」
巨咪一出寫真大賣，書展後趙碩之卻唔輕易騷本錢：「去到邊都性感就真係冇必要，媽咪都會嬲我。再講，我同公司有默契，平時做訪問影相都會死守多一吋唔露，留番下本寫真再性感啲賣錢咪仲好！」
假眼睫毛$15/ 對、啡色隱形眼鏡$10/ 對、Bob 頭假髮$98
束胸內衣$298
雙眼皮膠水（附送鉤叉）$12/ 支
變身前
Bob 頭素顏趙碩之變身有化妝師、髮型師幫手當然靚靚，不過其實自己化亦一樣唔難！
$433轉新look
要學趙碩之，由陽光bikini 妹大變身做野性熟女，原來一啲都唔貴！
幼兒期
2歲時的趙碩之肥嘟嘟又cute 爆。
發育期
17歲開始發育，趙碩之話自己愛運動，上圍發育之餘，身形亦變健碩。
模界期
17歲開始做part-time model ，拍過恆生、陽光檸檬茶等廣告。
入行期
去年在梁詠琪演唱會行catwalk 被大名睇中，如今寫真集賣得，年尾去北海道再激啲。
新咪神發育史
淨執9萬
《夏》大賣15,000本，bikini 上陣的趙碩之因此成為林建名愛將。拋個身出嚟，趙碩之收入都唔錯㗎。
銷量15,000本×售價$68/ 本=$1,020,000
分紅$1,020,000×15％=$153,000
經理人公司抽佣︰$153,000×40％=$61,200
趙碩之淨袋︰$153,000-$61,200=$91,800
現場龍友buy ，網友亦個個話正，身材當然又係討論話題。
驗真身即買
在書展賣書坐亞望冠，去到動漫展，趙碩之的處女寫真《夏》銷情亦不俗，現場不少更是在親睹趙碩之真人後才決定買寫真支持。在現場跟住趙碩之影不停的大隻仔龍友李生原來初時亦不知道趙碩之是誰：「本身唔識佢，不過而家見到佢覺得佢真人好靚，身材都好好，會即刻去買佢本寫真。」
新嚫模迫爆動漫
今屆動漫展人多龍友更多，話之你趙碩之定JJ ，總之有女著得少布就例牌過百人圍住狂影，其中又以Bandai 女郎、被封「E cup Baby 」的Miyoko （劉欣宜）同趙碩之師妹Yumi （尹曉蓁）最多龍友閃。
其實Miyoko 同Yumi 喺龍友界個朵一向響，一個係龍友百人斬，一個就勝在任人舞冇say no ，經驗豐富難怪可以撼贏其他蛋散game girl 。
有龍友撐，下個女神分分鐘係佢哋。
Miyoko 中文名叫劉欣宜，同欣宜一樣咁好肉哋，唔同嘅係佢識揀地方生。
Miyoko 身材最漏
幫Bandai 做game girl 嘅Miyoko ，兩年前幫影會做model 入行，34E 迫爆上圍令班龍友瘋狂，不過Miyoko 就話：「我唔鍾意我34E 上圍，好似Angelababy 咁細岩晒！」
畢業於官塘IVE 、正職產品設計公司設計員嘅Miyoko 平時盡量著得密實，不過身材惹火亦引來唔少變態佬騷擾：「收到好多冇來電顯示嘅電話話要同我做愛，好變態！」
Miyoko 劉欣宜
年齡：19歲
三圍：34E 、25、35
身高：167cm
體重：48kg
收費：約$600
現職：Stage 模特兒公司兼職模特兒，正職為產品設計員。
Yumi 勝在爛做
另一位Gamania 嘅game girl Yumi 係龍友眼中嘅聽話女，無論三點式定清純look ，一樣冇問題，佢170cm 高，42吋長腿更加係龍友著迷之處，今次雖然係Yumi 第一次做show girl ，不過大班龍友即聞風到場，實行人釘人狂
！
Yumi 尹曉蓁
年齡：20歲
三圍：33B 、23、34
身高：170cm
體重：49kg
收費：約$800至$1,200（視乎性感程度）
現職：林建名旗下大名娛樂藝人（培訓中）
Bandai 最索
其實今屆動漫展中，以Bandai 的game girl 靠少布制服最多人圍，其中三位仲喺上年幫Playstation 做過高清寶寶，有名有姓自然更受歡迎。
龍友300
雖然台上有多位show girl ，不過大部分龍友只係瞄實Miyoko （左二）不斷狂影，保守估計每次Miyoko 出場起碼超過300人圍影。
咪阻住啦！真實對白
龍友影相專業，面對好身材的Miyoko 唔會局部影，全身半身乜都影，記者問其中一位龍友究竟欣賞Miyoko 乜時，佢就即時話：「唔好阻住我影相啦！」好鬼投入。
師妹有市
趙碩之師妹Yumi 今次冇著三點式做game girl ，不過短tee 露出小蠻腰，仲釘埋臍環，密實加啲野性，一樣大把電車圍。
邊度搵女影
好多「龍友」鍾意參加影會嘅影女活動，網上影會好似易拍站（
http://www.foto28.com）或
http://www.vivaphoto.com同香港幾間大學都會定期搞影女活動，收費每人每小時約百幾蚊，鐘數視乎龍友需求。
除咗影友會，有龍友亦會自己包起model 私自影，收費通常約$200-$600一個鐘，著三點式就約一千。除咗相熟model 外，班龍友通常都喺自己嘅網上相簿留電話等model 搵上門，亦有model 主動post 相同email 去討論區等人約。
影女有禁忌
龍友影女high ，但上年就有新聞報道過有model 涉嫌俾攝影師強姦。據科大攝影學會前會長Eric 表示，為保護模特兒安全，影會通常會有規有矩，唔會畀班龍友亂嚟。Eric 說：「一般龍友參加影友會都唔可以私下嗱模特兒電話，亦唔可以同模特兒有身體接觸。咁最重要當然係model 本身唔好亂咁搵人私影。情形就好似網上交友一樣，唔好咁易信人咋！」
龍友fans 女神榜
影相數碼化影完即刻睇，仲可以放上網益街坊咁過癮，於是近年幾乎有女嘅地方就有龍友圍住影，個個自稱攝影師，周街嚫妹仔都自認係model 。
除咗喺街影，班龍友仲會搵埋班嚫妹仔開龍友大會，龍界家陣就以呢4位嚫模人氣最巴閉，分分鐘係另一位嚫界女神㗎。
龍友天后
Yumi Wan 喺龍友界可以話冇人唔識，出道4年三點式更加係例牌，淨係喺龍友post 相網站
http://www.fotop.net已經有超過200輯相，平時泳衣收開$1,000，最近更俾林建名睇中做埋趙碩之師妹，龍友女神no.1當之無愧。
Miyoko 百人斬
Miyoko 出道冇Yumi 咁耐，龍相數量冇Yumi 咁多，加上佢平時影相著得比較密實唔多肯影水著，不過佢輯deep V 相一樣廣泛流傳，喺
http://www.fotop.net都有成150輯相，搞親影友會必定爆棚。報名慢啲都冇位。
Winnie Yip 扮可愛
Winnie Yip 20歲女，佢同龍友講仲係讀緊書，雖然身材唔係咁突出，但係佢勝在外貌夠cutie ，而且佢出咗道成3年幾，仍係兼職模特兒，喺
http://www.fotop.net都有超過100輯相，$800可以自私影一個鐘，可惜唔肯影三點式，所以人氣冇Yumi 咁威。
Mandy Chan 電死你
18歲嘅Mandy 近來紅爆各大討論區，中五畢業，最近轉埋全職模特兒，仲有「勾魂電眼」之稱，一個鐘收$600，有新鮮感兼聽教聽話乜都肯影，順利成為龍界最有潛質新人。
