赤壁趙雲
趙雲繼續走靚仔路線，但呢個造型好多人都以為係馬超咋。
入戲院睇《赤壁》，熟悉《三國》的fans 勁鬧關二哥唔騎赤兔馬唔拎偃月刀、孔明幫白鴿沖涼、曹操竟然為爭女打仗，結果千軍萬馬場面得兩幕，火燒連環船都冇得睇，難怪fans 嗌追凳。
雖然劇情九唔搭八，但game 界趕住出隻《赤壁Online 》食住電影版條水，仲食埋電影版九唔搭八風格，例如人物造型似日本《真．三國無雙》，你以為佢係一騎當千嘅動作遊戲？其實係一隻MMORPG ，又係冇火燒連環船，點只《三國》咁簡單，直頭七國咁亂。
赤壁呂布
呢個呂布同《無雙》呂布有幾大分別？至少套盔甲9成相似。
無雙呂布
赤壁甘寧
甘寧仲誇張，成個look 跟到足，係換咗拎大刀同頭髮長咗少少咁多。
無雙甘寧
《赤壁Online 》
機種︰PC
類型︰MMORPG
廠商︰Gamania
收費︰免費
官網︰
http://www.gamania.com.hk/chibi/chibi.html
眼前呢個NPC 係幾靚女，但古代出現雀巢咖啡活動使者，感覺十分騎呢。
遊戲內嘅裝備會即時改裝外觀之餘，仲有個時裝模式，但都係古裝好睇啲。
呂布翻生踩場
遊戲雖然叫做《赤壁Online 》，不過時代背景就同赤壁冇乜關係，例如天下三分都仲講緊討伐黃巾賊；而晨早被關二哥收檔嘅文醜同顏良，竟然仲可以喺後期赤壁出現。而最離譜就係呂布仲可以好有型咁騎住赤兔馬，死過翻生。雖然時代同人物大兜亂，但一班喺三國出現嘅文官武將，都會化身為NPC 等大家搵佢做任務，方便大家升級儲裝備，既然幫到手，就話之你係人定係鬼啦！
玩齊十八般武藝
遊戲嘅角色設定種類都算幾多，當中最豐富同最重要就係兵種設定，一共有18種唔同嘅兵種畀大家選擇，而每種兵器技能其實代表一種「職業」，加上每種武器嘅招式都唔一樣，鍾意大範圍攻擊可以揀刀，想玩遠程就用弓，各有特色，而筆者試過之後覺得能力比較平均嘅槍係最好用。
當主兵種等級升到最高之後，就可以學習副兵種，將唔同嘅招式結合更可以發揮更強威力。
玩家亦可以喺遊戲內學習各種生產技能，有醫療、鐵匠同烹飪等等，唔使下下都係打怪練功咁悶。
設定角色時可以揀唔到地方做祖籍，雖然對能力唔會有影響，不過揀大城出世點都著數啲，起碼接任務比較方便。
遊戲中嘅小喬超索，如果Chi Ling 可以著到咁就人人開心啦！
自動練功杜絕外掛
創造好自己嘅角色之後，就算發緊夢都想幫佢「升呢」，所以《赤壁Online 》就加入咗招式組合畀你自動練功，玩家可以自行設定一連串技能，以及使用次數和時間，簡單嚟講就好似一啲自動練功嘅外掛工具咁，不過而家就可以名正言順咁用，臨
前搵個唔多人嘅地方開著自動練功，第二朝
醒就升級，方便到極。
做任務時只要打開任務表按目標名稱，就自動導航去到目的地，好用過GPS ，開埋視窗模式仲可以邊玩《古惑仔Online 》邊練功添。
「壓等練技」係online game 常見嘅練功方法，《赤壁Online 》就考慮到讓玩家更靈活，所以就可以將升級用嘅經驗值轉移去學習技能，令玩家就算等級低都可以用到超強技能。
