動漫節年年有，今年人流特別多，人龍一早已經排到九丈遠。香港動漫電玩節來到第十屆，點都要玩大啲，除咗各大參展商各出奇招，推出一大堆限量版精品玩具，還有動漫Cosplay 、GameGirl 、高達模型、LEGO 公開拼砌等各適其適的比賽，當然少不得著名漫畫家簽名會，場面認真熱鬧墟
。
撰文：陳若冰 攝影：林資凱、梁偉德
比賽篇 空前踴躍
其實年年動漫電玩節都有唔少嘢玩，不過似乎今年的比賽特別多，例牌菜Cosplay 、Game Girl 大賽當然少不了，除此之外連砌LEGO 、高達等的比賽都有一大堆，話晒都係十周年，唔玩大啲點似樣？
(動漫Cosplay 大賽)
咁多年來最大規模的動漫Cosplay 大賽，參賽者有成22個之多，道具出齊之餘，個個都扮得維肖維妙，現場觀眾更可參與投票，究竟會係靚女定爆粗Band 友勝出呢？
(LEGO 2008香港特景)（攤位C02）
潮流興集體回憶，LEGO 展攤就擺出「2008香港特景」十強作品讓公眾進行投票，天星碼頭、半島酒店、石硤尾村、雷生春等場景都有，唔行近睇都唔發覺係用LEGO 砌成。
(香港電擊高達模型王大賽)（攤位B01~02）
高達模型比賽經常都有舉辦，今年在動漫電玩節展出的作品，手工精美之餘，亦不乏創意。
動漫篇 主攻首辦精品
動漫電玩節年年都少不免乘勢推出各類限量版「刀刀劍劍」，今年來點新意，轉為推出經典動漫人物首辦模型，排隊盛況依然不減。咁
要遇
玉皇朝15周年，紀念精品別具收藏價值，以下幾款更加是必炒限量珍品。
(玉皇朝)（攤位C11）
「玉兒．鳳武九天首辦（特別版）」更加吸引，靚女果然迷死人。售價：$880
(天下)（攤位D64）
全場最矚目的限量版之一，非這個16吋的巨型「摩訶無量之聶風」首辦模型莫屬。售價：$2,600
《天下紀念畫集V 》送獨一無二聶風PARKER 筆一支，也是必炒物品。售價：$180
(變形金剛)（攤位C12）
孩之寶照足真實貨櫃製作的鮮紅色巨型柯柏文貨櫃車攤位，十分搶眼。
電玩篇 遊戲任試
雖然動漫角色Figure 搶盡風頭，電玩方面的參展商並不會讓動漫界專美，一個二個大型展區，有新Game 供參觀者任打，更唔少得出動迷人的Game Girl 引來大批人潮。
(Xbox 360)（攤位D23）
原定8月13日才正式發售的Xbox 36060GB 主機，在動漫節搶先登場，限售500部兼有禮物送，點可以唔搶？售價：$2,499
今屆GameGirl 個個有姿勢有實際，而且各有專長，有啲打機叻，有啲人靚聲甜，「龍友」們點可以錯失影靚女的良機？
「玉兒．鳳武九天首辦（特別版）」更加吸引，靚女果然迷死人。售價：$880
全場最矚目的限量版之一，非這個16吋的巨型「摩訶無量之聶風」首辦模型莫屬。售價：$2,600
邊按摩邊打機感覺有幾爽？到場試吓坐在這張「UGC 多功能電玩椅」玩「Project Gotham Racing 4」咪知囉！
(LEGO 2008香港特景)（攤位C02）
除咗有賽車玩，Xbox 360亦設有多個遊戲台讓大家試玩遊戲。
「龍虎群英郵票全張」及「龍虎3皇郵票全張」，專為《新著龍虎門》8周年紀念而推出。各售：$150
