■賣Game 賣到出比堅尼，大會Game Girl 抵輸喇！
動漫電玩節，又是大排長龍掃貨的時候。大人仲忙過細路，不是忙畀錢而是忙按相機掣，場內美女個個追住影。不過要等大會Game Girl 真係蚊
兼失望，今年質素比去年更差。好在Bandai 奇招派出水著女郎，全場即時升溫，搶灘成功做了主角。
記者：張一豪、陸俊雄
攝影：伍慶泉、梁細權
■開幕禮時黑澀會企前排，Game Girl 企最後，形同睇唔到。
Game Girl 不睇也罷
一年差過一年，上年大會Game Girl 已經不及XBox 有睇頭。今年仲弊，話晒10周年，點知淨係得一個6號王穎雯睇得入眼，難怪要搵台灣黑澀會撐場。好彩台下更風光，入口第一排依舊是Bandai 和XBox ，不斷派出美少女招徠。Bandai 更為推日本人氣「超潑水」Game ，全場唯一搵來四位Bikini 女神，場內即時升溫。XBox也不甘示弱，派出少布Cosplayer 。年輕人就話排隊進場買限量品，原來龍友為影美少女，也心甘命抵晨早到場，動漫節果然夠晒老少咸宜。
■最靚已經是這個6號王穎雯。
■XBox 這個Cosplayer 謀殺了不少菲林。
■水著妹妹好落力，未換衫前已經在場派扇，難道知道一陣場內氣氛升溫？
■亞視為拍節目，也找來Superwoman 、爆風女神和V3。
■今年Cosplayer 大賽，有人扮《爆粗Band 友》的Krauser 。
■gameone 《魔域》的JJ 雖然未到場，但一樣有美麗的推銷員。
港漫百花齊放
天下攤位仍是去年的蔡先生排頭位，以數萬元入貨，頭號目標是100個限量版「摩訶無量之聶風」，每個$2,800，會場特價$2,600。而玉皇朝那邊亦出現炒家，狂掃《龍虎門》限量人物Figure ，稀客吳剛師傅也到場，原來他自當年《醉拳王無忌》一劇出道之後已對港漫有興趣，每年都會參觀及買心頭好。
除兩大攤位外，其他漫畫公司都百花齊放，鄺氏會復刻馬榮成的出道作《五兄弟》給Fans 珍藏，而李志清除了在會場有一個原畫展之外，文化傳訊亦為他推出5張價值$1,500的「刮骨療毒」複製原畫。
■吳剛師傅撐玉皇朝的《龍虎門再生原稿》，每張$400一共30款，要儲齊都所費不菲。
■每年天下攤位排頭位的蔡先生，今年亦狂掃貨。
吳師傅撐勁舞
吳剛師傅原來不只是港漫的Fans ，原來亦有鋪Game 癮，是Gameone 的Fans ，而最估佢唔到，他並非為JJ 做代言的《魔域》而來，而是買《勁舞團》精品，包括首兩名儲齊26款可換一部WII 的襟章及咕
等，原來鐵漢都有柔情一面，勁！
■吳剛擺晒Pose ，影相都搞笑過人。
■吳剛撐《勁舞團》，更買了多個襟章及咕
。
另類港漫
除了主流漫畫之外，今年本地亦推出一些風格比較特別的作品，例如歐陽應霽和9位作家合著，以食為主題的《漫漫食》，還有何故的《海盜啤》等，都是一些風格比較特別的作品，值得留意。
■何故和啤梨合著漫畫《海盜啤》$45。
■歐陽應霽及另外九位中港作家聯著《漫漫食》$68。
■去年在傷健及親子優先通道排頭位的阿豪：「今年安排比去年更差，而且我哋比一般人放遲15分鐘入場，搞到我都幾乎買唔到嘢！」
苦主有say
每年漫畫節都有人歡喜有人愁，今年亦不例外，而甫一開幕已有人投訴排頭位買唔到心頭好，兼疏忽對待傷健人士。全場最先進場是一群橙衣兵團，為買越一限量Figure 。當全世界影住手執全場只得一個透明版《真．天魔》Figure 的戴帽少年時，卻有人歡喜有人愁。話說未放人進場前，越一老闆Oscar 還對本報記者說Figure 要送給當時排第8的戴面具陳姓少年，了解過他才是真正排頭位，面具男也講過：「越一有人通知我，但暫時不要張揚。」豈料結果改寫，Oscar 改口：「我都係遵從大會意思。」咁無口齒㗎?!
■面具男最後只好買限量版彩色Figure ，慘！
■入貨客：「乜都唔講，趕住買其他嘢，唔好問我！」
■羅小姐：「第一次嚟，好多人，其實我都係幫我細佬排隊，一人排一邊，可以買到心頭好。」
街訪
