如果唔係衰臭寸，身材唔差嘅范萱蔚應該發展唔差。惟有期望佢有份做過套無線劇集《尖子攻略》快啲上畫，等佢可以翻身啦。
時代唔同，FBI 認為做藝人唔怕寸，至怕係未紅先驕寸唔起。
好似裕美師妹，阿叻Snazz 旗下嘅范萱蔚咁，06年入行到咗08年先出處女EP ，
得出隻碟叫乜名相信難過答IQ 題，不過FBI 就聽講范小姐唔係咁諗，話說佢早前出席公開場合有個攝記哥哥唔認得佢，於是好奇問行家：「呢個乜水呀？星嚟㗎？」范小姐聽到後抵唔住頸，當眾爆咗句：「不知所謂！」此話一出即刻辣
晒成班攝記大佬，當日冇人影佢不特止，仲聽講班攝記聯手叮佢出局玩杯葛，總之有佢出席嘅活動都當佢透明！一句講晒，得罪記者唔係冇運行，但要肯定自己紅得起先咋。
激似Twins
唔少網友話范萱蔚（右）同佢同門師姐裕美似Twins 。如果裕美似阿Sa ，咁范萱蔚係咪似阿嬌呢？
FBI 翻查資料，范萱蔚今年1月出咗隻EP 《一起愛》賣咗約3,500隻，以新人計，銷量一般唔見得寸得起咋。
