23/7軒尼詩道天橋1秒飛碟 雖然怪風令Theresa 出現1秒飛底，但佢仍然面露微笑、右手仍舉起寫真postcard ，果然投入宣傳，抵佢本寫真集第一版一萬本全部售清。
書展忽然變咗藝人寫真展，話之你係嚫界女神Angelababy （楊穎）、大電眼Theresa （傅穎）、定係四葉咪神趙碩之，全部都要親力親為，只因班電車嚫仔荷包大把貨。
論落力，染金髮戴假大眼突圍嘅傅穎最搏命，吊帶短裙走到會展外嘅灣仔天橋造勢派傳單，加埋香港今期流行怪風助興，短裙即時吹起兼露出雪白美腿同白底，雖然為時唔夠一秒，不過已夠班網友high 死，仲抵死到話佢條裙似UFO。
係就係
啲，不過10,000本寫真據知三日賣晒，吹多兩陣風都唔驚啦！
UFO 擊落
有在場記者拍唔到飛底情況，即大叫：「喂，影唔切呀，吹多次啦！」在場市民大笑，令Theresa 尷尬到死。喺人哋傷口上灑鹽，真係唔岩呀！
俾網友笑
高登網友即時討論，笑Theresa 條吊帶裙被風吹起時形態似「UFO ！」有些更離譜到以「×緊」及「肥××」來形容，真係女神唔易做。
「你係明星大晒咩！塞住條路。」
路人指鬧
喺灣仔會展外天橋宣傳引嚟大批市民圍觀阻塞通道，有一位拖住細路的師奶就因為不忿Theresa 阻住條路而向Theresa 開火。
警察踢場
條天橋由灣仔地鐵站直通會展，乃去書展必經之路，搞到咁混亂，宣傳唔夠5分鐘即有警員到場趕Theresa 離開，Theresa 俾人趕都保持笑容及儀態。
25/7書展場內衰過知驚
飛底事件發生後，隔一日（25日），Theresa 再踩場就已經即時改穿短褲加條長頸巾，坐低時仲用對大髀夾實條頸巾，連著短褲都驚死走光。
做埋收銀
Theresa 唔係淨係造勢同出席簽名會，仲坐咗落攤位做埋收銀妹親自落場sell 客，有手仔摸自然又買多兩本。
UFO 事件後，有傅穎出現的地方都必定有大批fans 同龍友博睇多次，難怪星期日（27日）上午Theresa 寫真已經賣晒，佢呢日著咗條低胸吊帶裙，不過穩陣啲入面著件tube top 。
今屆書展寫真競爭大，話晒第一次著三點式兼有兩本寫真
重飛嘅Theresa （傅穎）梗係分外落力，在書展首日（23日）已經率先出蠱惑走到場外軒尼詩道天橋派寫真postcard 谷勢。
蠱惑累事
但係條天橋係去書展必經之路，本來已經夠迫狹，傅穎再帶埋4個model 出現就亂上加亂，臨走諗住盡最後努力喺樓梯影多兩張相，點知一陣怪風就搞到Theresa 露晒底，不過Theresa 就死撐：「我有打底冇問題，今日諗住派postcard 做宣傳，不過冇諗過咁混亂，我向受阻途人道歉！」
頭part
咗唔緊要，講明今次處女三點式唔衰得，Theresa 於是馬上返去書展，繼續同班電車男零距離sell 寫真，問到佢有冇睇勁敵Angelababy 寫真時，仲識重點出擊話：「我知有報道話佢執得好勁，不過我都想睇嘅，想睇吓人哋點樣執到咁靚咋。」不過當Theresa 知道最大威脅原來係34D 四葉咪神趙碩之時，上週六（26日）Theresa 就再出擊：「寫真唔一定要露，最緊要係影得靚，我兩本寫真都賣晒啦，而家各加印2,500本，我哋係實銷唔篤數㗎！」暗渡陳倉合縱連橫乜都出齊，Theresa 下年應該可以出本「三國誌寫真版」，應該仲好賣。
34D 趙碩之玩唇誘
四葉草出身嘅趙碩之人氣不及Theresa ，但勝在上圍有34D 夠晒照，寫真內有唔少三點式，加上陽光海灘，好賣唔使問點解啦！
即場咀咀
Theresa 玩飛底，趙碩之就同fans 玩親密接觸，有男粉絲要佢喺寫真度留個唇印做紀念，佢諗都唔諗就啜落本書度，
得男粉絲王先生鬼咁開心，即時將錫錫情形拍低，佢仲話會包起本書留念添。
蛋糕慰勞
唔只對fans 識做，趙碩之見攤檔工作人員辛苦，25號晚就買上蛋糕答謝，不過之後班fans 一見趙碩之又係咁話要嗱簽名，於是又可以乘機賣多百幾本。
相機狂圍
趙碩之去到邊都有超過20部相機跟住，第一次出寫真，1萬本26號晚已經賣晒，出版社即時加印多1萬。
24歲Theresa 谷寫真下下應，20歲四葉咪神趙碩之亦唔手軟正面硬撼，而咪神勝在勤力唔腳軟，由上週三（23日）書展首日開始至上週六（26日），幾乎日日蒲頭兩次，最難得係佢sell 書有求必應，有fans 要求趙碩之喺本寫真度啜啖唇印做留念亦一樣冇say no ，到上週五仲專登買埋蛋糕慰勞班工作人員，問到佢本寫真同Theresa 過本拍住上，趙碩之就話：「我冇諗過同Theresa 比喎，佢係前輩嚟㗎嘛，我新人咋！我都賣得同佢差唔多！」一樣有骨㗎！
書展班女鬥餐死，JJ 上星期六（26日）就轉戰杏花新城搞簽唱會，一樣人頭湧湧，睇嚟JJ 策略成功喎！
由於缺席書展，人氣比其他到場小花明顯遜色，所以直到週日（27日）JJ 嘅EP 連寫真喺書展攤檔仲有好多存貨。
醒目JJ 閃
眾女星喺書展出招，惟獨首次出EP 連寫真集的JJ 賈曉晨冇影，反而於上週六在杏花新城搞了個簽名會，佢話明知書展寫真女肉搏，為咗避免玉石俱焚，所以留力在動漫節先發功：「我想大家嘅注意力放喺我本書度，所以我留番動漫節先宣傳，另外8月2號會出純寫真版，頁數同相片都比EP 嘅多，又大本啲，仲會喺奧海城搞唱片發布會添。」識得揀場發圍，JJ 今鋪醒呀！
HotCha 只係喺書展搞咗一次簽名會，唔hard sell 都賣到8成，成績算唔錯啦！
趙碩之fans 多電車男，HotCha 好啲，有歌迷，其中大半係細路女，勝在夠晒陽光氣！
唔露一樣有市場
一班囡囡爭住出三點式寫真，HotCha 唔執輸出埋一份，雖然佢哋本寫真密實得多，不過10,000本都賣得七七八八，成員Winki 就話：「我哋係sell 青春，唔係sexy ，fans 明嘅！」而記者亦發現買HotCha 大半都係佢歌迷，fans 都話就算佢哋包上頸都買，呢啲咪係死硬派咋！
女神Baby 用完即棄
被指寫真經電腦大執才出街，Angelababy 話：「個個出書影相執少少梗有啦，不過我本書賣晒啦，要
書報攤回收到書展賣！」叻女，成功轉移視線！
合照
Baby排場勁，不過首日現身書展就俾星級化妝師Rick Chin 借過橋，話說Baby 見到好友阿Rick 諗住打招呼兼互相宣傳，果然阿Rick 一見Baby 即刻交換書又影相。
彈開
點知江若琳無厘頭殺到，阿Rick 一見竟然即刻唔理Baby 轉身同江若琳握手，Baby （箭嘴示）就焗住企埋一邊。
敗走
最後Baby 就冇癮走人，後面班fans 就繼續大聲叫：「江若琳，江若琳！」繼續嗱彩。
再合照
之後Rick Chin 仲同江若琳互嗱對方新書合照，Angelababy 呢？Who cares ？
黑白保鑣
傅穎同趙碩之鬥餐死，喺今年書展同樣有出書的Angelababy 實行sell 高貴費事同你哋鬥爛做，上週五（25日）Baby 搞簽名會，女神下凡，model 公司就好緊張咁請咗專幫LV 、Gucci 等名牌做保安嘅兩名近六呎嘅外籍保鑣傍住，不過簽名當日兩名猛男話就話保鑣，但全個簽名會兩位保鑣就好舒服擺晒pose ，展覽作用大過保安。雖然口話唔爛做，不過問到佢點睇其他對手，零波Baby 亦唔執輸話：「其實寫真唔一定要有身材先好睇嘅，我啲fans 唔鍾意睇身材，其實相就個個都有執，最緊要執得靚啫！」一箭雙鵰Baby 高招㗎！
Sunny （左）同Rick （中）同唔少名牌公司做保安，平時收開一粒鐘$500，不過當日只係相伴Angelababy 身邊，未有阻止fans 上前與偶像嗱簽名及握手，啲錢幾好賺。
Fans 撐星出口出力
所謂人多好幫手，班嚫界女神梗係晨早吹雞召集fans 助聲勢，總之用盡所有計，務求聽聲都嚇傻你，最勁係班粉絲個個識自動波為偶像開口插對手，抵錫！
Maggie
Theresa ：老定大把貨
Theresa 首日未吹雞已經好墟
，所以上星期六（26日）搞簽名會就好老定，只係早一日（7月25日）在自己的fans club 網頁召集fans 參加簽名會，到現場fans 仲識向主辦單位爭取簽名配額，由200個增至500個。
Maggie ：「而家唔興玩身材啦，最緊要形象健康，好似趙碩之過啲咁齋騷身材邊得㗎。」
王先生
趙碩之：自由發揮
咪以為趙碩之新人冇乜號召力，雖然冇fans club 冇人吹雞，不過班男球迷都識夾岩時間，結果都有200fans 排隊簽名，還不時有球迷談論她的身材：「真係好勁喎！」
王先生：「身材好嘛！睇寫真梗係睇36D ，唔通睇Angelababy 同傅穎過啲包到上頸咩！日本look 太out 啦！」
阿Kay
Angelababy ：買書換簽名
Angelababy則在自己的個人網頁及fans club 會長blog 中吹雞，仲醒目到話只要fans 到書展指定攤位買一本Angelababy 寫真，便可獲得簽名會入場籌一張來吸引fans 即場科水。
阿Kay ：「Wow ！Baby 個樣好特別，鬼鬼哋咁、好靚、對fans 好好，對其他寫真女尤其是賣身材過啲冇感覺咋。」
Christine
江若琳：最大勢力
江若琳fans club 為加強聲勢，竟然叫fans 帶埋朋友家人一齊出席，擺明要踩冧會展；另外仲呼籲大家捐$5或$10，用來買花和整新牌，難怪現場人海牌海都咁勁。
Christine ：「佢畀人感覺好簡單，又唔濃妝艷抹，歌影視瓣瓣掂，唔似得有啲淨係拍廣告（Angelababy ）就出寫真。」
江若琳在簽名會大受歡迎，引來500多名fans 撐場，係威係勢，點知被老闆娘趙雪英踩場落面勁尷尬。
23/7500人撐 江若琳最威係你
寫真女星惡鬥，不過講真正寫字出書嘅，最爆一定係江若琳，唔係話佢有超過500fans 搞簽名要加時力壓同場較量的鄧麗欣，而係話佢老闆林小明嘅「已分妻」趙雪英明剃江若琳眼眉，走去幫阿Sa 蔡卓妍新書《單．親．愛》簽名會造勢已經好唔畀面，之後又眼濕濕話自己仔女都就快有個單親家庭，又指3年前發生事後已冇再見江若琳。
件事愈搞愈大，連一向堅稱私人事不回應的江若琳老闆林小明，於週一（28日）亦終於發表聲明，承認跟太太離婚，但仍十分維護江若琳，聲明中說：「其實此事乃一件家事同時這只是我與趙小姐兩人之間的事，實完全與江若琳無關！我與江若琳只是老闆與藝人的關係，無論現在或以前及將來都是賓主的合作關係。」
壓住Stephy
由於江若琳有成村fans ，所以簽名會簽到超晒時，而緊接佢咁岩係Stephy 為梁寬嘅《內衣少女》電影小說撐場做嘉賓，兩位嚫星相遇，有記者要求二人各簽名上新書作交換，由於Stephy 只係撐場，並非作者，所以想拒絕之際，江若琳已經簽好遞上，Stephy 惟有尷尬代作者簽名交換。
江若琳主動送上新書兼簽名給Stephy ，Stephy 即尷尬地笑，
聲將手上的《內衣少女》小說作回禮。
24/7一個踩死
趙雪英突然現身撐阿Sa ，踩江若琳，眼濕濕談家事，稱正辦理離婚手續，自己小朋友就快有單親家庭，又避談江若琳是否第三者，一個都夠玩死你。
林太做訪問句句有骨，翌日江若琳就繼續扮細路，又話條蛇唔係佢，信邊個，大家自己諗。
林太話有蛇
記：記者 江：江若琳 趙：趙雪英
記：江若琳喺新書感謝林小明同你係佢恩人。
趙：我唔知。
記：公司係咪賣盤，同林生劃清界線。
趙：想快啲賣盤，其實已經拖咗3年，3年前發生嘅事。
記：3年前你睇中江若琳加入寰宇，係咪引蛇入屋？
趙：好難答你呢啲問題，唔知點講。
記：有冇接觸過江若琳？
趙：佢一向冇搵我，發生事之後。
江若琳扮細路
記：林太話搞緊離婚喎。
江：大人嘅事，我係細路女唔識畀意見。
記：林太暗示捧你係引蛇入屋喎。
江：條蛇唔係講我。No comment ！
記：會唔會送新書畀林生林太？
江：會㗎，內容都有寫佢哋，佢哋係我嘅伯樂。
記：林太喺你宣傳時候爆家事，係咪有意？
江：唔覺，我都唔知發生乜嘢事。
送書展簽名新書
書展迫餐懵都未必可以嗱到心儀偶像簽名著作或寫真，而家《FACE 》送出以下藝人親筆簽名寫真或新書，想索取請填妥《FACE 》書內表格寄將軍澳郵政信箱65207號。（請選以下一本）
Smiling （Theresa ）
戀愛敏感（陳敏之）
趙碩之夏
和味濃情（徐淑敏）
HotCha on the move
幸福在右邊（王貽興）
註：
1影印本無效
2「壹傳媒」員工及家屬不得參與
3如索取寫真人數超過獎品數量，將以抽籤作實，獲獎者將有專人通知。
