MAQUillAGE推出三週年，紅遍日港台，終於要衝出亞洲，攻佔國際市場，第一波攻勢找來英國St.Martins 一級榮譽畢業的設計師Christopher Kane ，設計秋天彩妝系列，仲有英國名模Agyness Deyn 拍住MAQUillAGE 四位代言人一齊為廣告擔大旗，咁大件事，我有幸被邀請到日本，直擊五大代言人同台行騷，試用最新化妝品，依家就同大家率先報告啦！
五位代言人，分別化上Christopher Kane 設計的新色，以代表唔同女性美，作為粉絲，我當然覺得Agyness 最正！
未開場已人頭湧湧，冇人提醒都留意唔到，場中間不斷播出新廣告花絮的熒幕牆，正是花生騷天橋所在。
熒幕徐徐升起，貓步天橋出現，好彩先前PR 提水，一早在front row 霸頭位睇騷。
五月的日本仍有少少涼，先睹為快Christopher Kane 秋冬裝，感覺岩岩好。
現場設有多個新系列試用counter ，我當然唔執輸試新嘢，駐場的consultant ，仲幫我化咗個粉紅「伊東」妝，連身邊的日本朋友都話正啊！
五位都是大忙人，廣告需要分開拍攝，工作人員為此不斷游走日本及英國。
星級花生騷
未到日本，已收到通知有機會跟「愛馬仕」伊東美
及「OL 教主」
原友里、名模渡邊杏及栗山千明，在日本豪宅區惠比壽Garden Hall 見面，我開始好興奮。
花生騷正式開始，先由模特兒輪流示範Christopher Kane 的秋冬新裝，伴隨三面牆上播放的廣告花絮，最後所有熒幕定格在新代言人Agyness Deyn 的廣告照上，在強勁的閃光中五位新舊代言人列席進場，台上星光熠熠，一向鍾意追星嘅我頓時眼花繚亂，在台下乖乖扮演傻笑的小fans 。
Cream 狀眼影唔易推，日本化妝師教路，先以輕點方式印滿眼窩，再以手指blend 開，就會好均勻。
Christopher 面前的圖片，就係眼影顏色的靈感來源。佢細細聲話我知，當家姐（左）塊面係調色盤，試過順眼先決定配色，包保好睇。
Christopher 勁讚渡邊杏個眼妝有魅力又夠可愛，連好友Agyness 都唔及佢喎！
以太空為概念的粉底盒及化妝袋，黑色鑲以Swarovski 水晶，好有星空感覺，香港約8月尾發售，十分期待。（均未定價）
星級妝物
岩岩喺香港面世的MAQUillAGE ×Christopher Kane 秋天系列，以「Mode MixMAQUillAGE 」為口號，眼影色彩對比強烈，同以往日系粉色妝物有好大分別，原來Christopher 覺得日本女仔選色不外粉紅或啡色，好悶！所以加入日本人少用的墨綠及啡黑色。對住突變秋色，我只敢往手上試，最後得駐場consultant 幫我試上眼，雙眼輪廓即時加深，配合我一頭金髮，連日本的工作人員都話我呢個假日本妹，唔出聲能以假亂真添！
MAQUillAGE 今次唇膏含有豐富動感珍珠粒子，色彩及光線會隨唇部張合而改變，立體感強。我喺日本時試用，一整日都係補搽過兩次，沒有走色，嘴唇亦唔易變乾，效果好持久。C.Lasting Climax Rouge #PK357（
原友里用色）、E.#BE505、D.#RD566各$220。
去年夏天推出過的Double Shiny Eyes 加強版，除了兩色Nuance 及Shadow Color 外，另加入上層珍珠色highlight cream ，為眼窩位作打底。F.Forming ShinyEyes #52（
原友里用色）、A.#51（渡邊杏用色）、B.#55（Agyness Deyn 用色）各$230。
歡迎卡及menu 上被尊稱Olivia-sama （意思︰大人），跟繡上名字的專用餐巾，好驚喜，搞到我有點不好意思。
印有品牌字樣的香檳，特別訂製，有錢都未必飲得到。
平時食椰汁糕有旗仔，估唔到食牛柳都有。
咖啡拉花唔易，拉字更難，要一筆過，唔可以出錯，為等呢杯咁多字嘅咖啡出場，我哋等咗足足兩小時有多。
MAQUillAGE 全睇宴
踩住三吋半高踭鞋企足五個鐘，花生騷後，PR 說要慰勞我哋，去咗麻布十番的高級餐廳HILL TOP Casita ，望住私家泳池同東京鐵塔，共進燭光晚餐。全餐飯MAQUillAGE 一字都不停擾攘眼前，係好hard sell ，不過我不能不佩服日本人做事的細心，到現在仍然回想當日滋味。
篠原涼子
Tell me...
新舊代言人
由資生堂旗下化妝品系列PN 及粉底系列PROUDIA 合併而成的MAQUillAGE ，於05年首次推出市場，由日本女星篠原涼子、伊東美
、
原友里及栗山千明任代言人，表達不同風格的新東京女性；至07年秋天再加入日本名模渡邊杏，今年秋天仲有埋英國名模Agyness Deyn 。新廣告因篠原涼子懷孕暫停工作，餘下五名代言人登場，在5月誕下一子的篠原預定將復出拍攝冬季系列廣告。
後記
開騷前一刻得知新代言人Agyness 也會登場，我已經興奮到暈。熒幕升起，Agyness竟正正站在我面前，當場興奮失聲尖叫。騷後，膽粗粗越過日本記者區，衝上前同Agyness say hi ，介紹完自己來自香港，佢就被工作人員拉回後台，雖然無緣做訪問，但Agyness 一句「thank you 」，作為粉絲，已經開心到震。
MAQUillAGE
中環國際金融中心1088號鋪22347628
