媽咪！快啲買俾我食啦！
等咗成年，又係我哋狗界一年一度嘅盛事，由7月25日開始一連三日，媽咪可以帶埋我去機場亞洲博覽館的國際寵物水族用品展行街shopping ，睇最新推出的狗用品之餘，仲可以掃盡平貨，買多啲好嘢俾我，正呀！
$10減價區
平時媽咪會買大堆零食獎勵我，但市面寵物店賣的零食，最平都要廿幾蚊一包，而威龍喺寵物展期間推出的60款狗零食，包括雞肉卷及雞片，價錢平一截，而且睇個樣就知好味啦！每包$10
APE 寵物用品速遞亦推出有多款不同口味的狗零食，相信會係場內搶手貨之一，媽咪記得買多啲俾我食！每包$10
平時我一隻狗喺屋企，最鍾意玩媽咪買俾我嘅玩具，拋下追下先無咁悶。啲玩具一般要三、四十蚊，但威龍喺寵物展減價促銷，12款玩具件件10蚊，個款特別又colorful 。每款$10
至抵買
呢款羊奶味的啫喱，毋須冷藏，入口清涼，係我哋狗狗夏天嘅至愛，寵物店賣$45一包，會場價就100蚊3包，每包平成12蚊，要叫媽咪掃多幾包！
$100/3包 威龍
媽咪話想我食得健康，就要買有益健康嘅狗糧。Yarrah 是全天然有機的狗糧，不加防腐劑，食糧中更加入寵物所需的天然礦物質、維生素及氨基酸等養分，可改善皮膚及胃部問題。寵物展期間9折出售。購物滿$300更即場送原價$65的有機礦物卷。
$195-$220（2kg 庄）
再9折，威龍
$0贈品區
媽咪平時會買潔齒骨俾我食清除牙石、牙垢，而寵物展亦有免費派發Greenies 潔齒骨一條的試用裝。
（在威龍攤位可以9折購買，即$126/ 65條裝。）
除咗掃平貨，我喺寵物展更可乘機試食或試用免費贈品，好著數㗎！呢款日本引入的狗零食，以植物製造，不加任何肉類成分，令我食得更健康。每包試食裝有3款食物。
$0（試食後，可在威龍攤位以85折購買，即每包$55/ 100克。）
新貨區
訓練狗狗餵食器
呢部Manners Minder 既係餵食器，亦係訓練我哋狗狗嘅輔助器。當媽咪想教我一個動作時，每次完成後就可利用遙控器操作流出狗糧來獎勵我。這部機在外國非常hit ，YouTube 網站內亦有狗主用它訓練狗狗的短片，相當有趣。
$980Dog One Life
環保水濾吸塵機
媽咪每日最頭痛係清潔我啲狗毛，用吸塵機吸極都仲有，塵袋仲發出難聞氣味。Smartech 水濾吸塵機就可以幫到媽咪，唔需要用塵袋，只要加清水到機內的水缸，就達到清水潔淨除塵的效果，徹底吸去動物的毛髮，更有抗菌功效。
$1,688Aqua Formula 強力水濾吸塵機
空氣淨化器
為咗令家居空氣更清新，媽咪會買空氣淨化機，但市面一般的空氣淨化機起碼賣數千元，而呢部韓國品牌Conway 新出的空氣淨化器，售價$4,000，但有提供月租計劃，每月俾$200-$290，租滿指定年期，部機就會屬於你。在租用期間，該公司每兩個月會派員上門清洗濾網及機身，服務體貼細心。
（吉之家提供月租$200的5年計劃、$250的3年計劃、及$290的2年計劃。）
第三屆香港國際寵物水族用品展
日期：7月25-27日
地點：機場亞洲博覽館（旺角、天后、沙田、元朗提供免費穿梭巴士）
時間：11:30am-7:30pm
門票：$20（寵物免費）
查詢：27639011
Shop list
威龍水族及寵物用品有限公司 24361818 攤位：G01-03
APE 寵物用品速遞用品有限公司 24422468 攤位：A08
Dog One Life 31055550 攤位：H26
Smartech 25788813 攤位：H30
吉之家 26201314 攤位：H23
