陳慧琳昨日到書展撐老友，正籌備婚禮的她擔心屆時會開心落淚。
近日忙於籌備婚禮的陳慧琳（Kelly ），昨日到書展為好友黃欐堯（Celia ）推出的新書造勢。Kelly 表示婚事的安排全權交由經理人鍾珍代勞，她會挑選三套婚紗拍照和行禮。傳媒在不丹採訪梁朝偉和劉嘉玲的世紀婚禮，一度引起混亂，但Kelly卻並不擔心重蹈覆轍，她搞笑說：「我男友又唔係梁朝偉！」
陳慧琳早前在紅館個唱中宣佈今年嫁給圈外男友劉建浩（Alex ），她昨日到灣仔會展出席書展，力撐好友兼形象顧問黃欐堯（Celia ）的處女作《Celia 魔法衣櫃》。現場吸引過百人圍觀，非常熱鬧。
貪靚的Kelly 穿上四吋高踭鞋到場，她在台上時，鞋踭多次攝進舞台罅隙中，險些跌倒，幸有驚無險。問Kelly 可擔心遭人博懵？她說：「唔怕，香港人好斯文。」問Kelly 今次是否她婚前最後出席的公開活動？她說：「唔係，我仲有好多演出。我唔會度蜜月住，因為有好多嘢做。」
準新娘陳慧琳春風滿臉進場，吸引過百途人圍觀，擠得水洩不通。
「唔知喊幾多次」
問Kelly 籌備婚禮的進度，她說：「唔使我搞，鍾珍會幫手，Celia 幫我搵緊婚紗，奚仲文會幫我設計一套誇張款式嘅，我會買一套，仲會喺三套中揀一套喺婚禮著，另外兩套影相，男友得一套禮服，婚紗相就會喺香港影。」
問Kelly 是否已有人稱她為劉太？她說：「未有人咁叫，我都係鍾意大家叫番我Kelly ，後生啲嘛。我對於結婚真係唔緊張，到時個人行出嚟就得，不過我估到時一定會唔知喊幾多次。」Kelly 透露婚後只會休息一星期。問她可擔心婚禮會引起混亂？她搞笑說：「唔怕，我男友又唔係梁朝偉。」
陳慧琳上月在紅館開騷，宣佈嫁給男友劉建浩，並準備了三套婚紗行禮及拍照。 資料圖片
陸詩韻昨日到書展擔任比賽評判，並表示有興趣出書及寫真。
陸詩韻盼出書
此外，陸詩韻昨日在書展擔任寫作比賽評判，問她可有興趣出書？她說：「我有幫報紙寫專欄，或者遲啲有機會集齊晒啲稿出書同寫真。」當中可會包括感情生活部份嗎？她說：「會包含，但唔會全部。」至於拍寫真集則不會刻意性感。
