林威辰刻意擺出騎呢post ，不過一班坐在後排的四葉女就全程黑面，完全當林威辰透明。
暑假檔期青春劇《盛裝舞步愛作戰》早兩個禮拜在東莞騎術學校拍煞科戲，有份參演的林威辰（林炳昌兒子）竟然在四葉女面前拉褲鍊，又刻意擺出騎呢pose 引人注意，但四葉女一條心，完全當對方透明。
據了解，擺明被杯葛的林威辰更遭同劇女演員投訴「鹹豬手」，而劇中與他最多對手戲的龔嘉欣，則毫不客氣話：「對住佢講嘅肉麻對白，我都會打冷震。」
（左起）龔嘉欣及王淑玲與林威辰全程互「啤」，擺到明唔妥對方。
早前在沙灘拍外景時，被「整容三嬌」Freeze 的甄穎珊姣電，林威辰就顯得非常受落。（《蘋果日報》圖片）
過分肉緊
由於香港騎術學校要籌備奧運馬術賽事，《盛》劇一直用以拍攝的場地不再開放外借，攝影隊唯有移師東莞的騎術學校拍煞科戲。
現場所見，拍攝當日林威辰不時面向一眾四葉女整理衣衫同拉褲鍊，又擺出騎呢pose ，企圖吸引眾女注意，不過一班四葉女繼續互相傾偈、影合照及補妝，無論林威辰有任何異動，大家勁刻意冇厘反應，將他孤立成「獨狐精」。
無風不起浪。據知情人士說，有女演員曾經投訴林威辰「鹹豬手」，拍親熱戲時假戲真做。而導演亦曾多次勸籲林威辰要克制。
「個女演員同導演投訴佢鹹濕，好多時拍嘅攬來攬去嘅親熱戲，導演叫咗cut ，佢都仲係繼續唔停，所以咪覺得佢專登抽水囉；導演同工作人員都叫過佢唔使咁肉緊，可以自然嘅。加上劇中嘅女演員有泳裝演出，見到人哋著得少布，佢就眼定定望到眼都唔眨，搞到嘅女仔好尷尬。」
被冠以「廉署
星」的林炳昌在05年曾遭殺手伏擊，其子林威辰亦接格殺令，令原本已簽約環球唱片的他一度將工作計劃暫停，直至去年底才順利推出首張唱片。
一把年紀的石修大受後生女歡迎，鬼妹仔Mandy 不時主動與他對戲及噴蚊怕水，而林威辰的視線就一直冇離開過Mandy ，全程「睇」到實一實。
四葉女龔嘉欣與林威辰有不少對手戲，不過提拍檔林威辰就話會打冷震。
對手打冷震
四葉女中的龔嘉欣與林威辰在劇中飾演情侶，二人對手戲最多。「我哋喺劇中係飾演一對癡男怨女，劇情講我哋成日都好似連體嬰咁，都有好多拖手同埋攬晒嘅戲份，要對住佢講埋嘅肉麻對白，我都會打冷震。」龔嘉欣說。
後生林威辰衰鹹濕，年過半百的石修則成為眾女最受歡迎人物。連鬼模Mandy （陳柏霖女友）都主動幫石修噴蚊怕水。「我喺劇中飾演教練，成日同班後生仔女一齊玩，但唔覺佢哋有乜唔妥
！」對於後輩林威辰犯眾憎被杯葛，石修刻意維護。
所以話，薑係越老越辣。
