又是荔枝當造時，就算一粒荔枝三把火，食完熱氣燥爆都係咁話，香港人對荔枝的清甜味怎抗拒！
東莞凱悅酒店有個千多棵荔枝樹嘅荔枝園，上周我們從灣仔乘個多小時的旅遊巴，直達東莞凱悅體驗了它2日1夜套票，當中的重頭戲當然係摘荔枝，仲嚐到荔枝菜式，爽呀！
首先以高球車接載到荔枝團。
有專人幫你拎住個網，服侍周到。
酒店備有特別的剪刀，極易操控，「霎」一聲，一束束的荔枝就「落網」！
部分荔枝樹矮到連孩子都掂到，一定開心啦！
摘荔枝體驗
左起
港客Anson ：即刻食啦！
港客Bonnie ：帶籃返屋企先！
港客Billy ：好甜呀！
我們身處的荔枝園十分整齊，部分還有紅磚鋪路，當中有桂味、糯米
等，但數量已漸少，想摘就要趁早！
甜豆荔枝炒蝦球$98
味道清新，桂味爽口和新鮮彈牙蝦球極夾，完全不油膩！
荔枝咕嚕肉$60
以糯米
代替菠蘿，多了份清甜口感，當日碟中的荔枝食得快過啲肉。
中菜廳布置摩登典雅。
在開放式廚房可清楚看到廚師不停地替荔枝剝殼去核，手勢熟練，亦能確保荔枝水分及新鮮度。
時令荔枝菜
不時不食，酒店內中菜廳松山茶居的廚師，每天清晨於荔枝園摘荔枝，再喺煮時先剝殼，以確保新鮮度，而當中必食甜豆荔枝炒蝦球。
房間設計摩登，標準房於露台都有一個浴缸，使用時有戶外浸浴feel 。
半開放式美式桌球房，一句：型爆！
酒店除了室內暖水池，仲有一個lagoon 式的戶外泳池，境環清幽，甚有泰國feel 。
室內泳池還備有多個按摩池，如水療
等，消除疲勞最岩！
腳底按摩二百多元，全身按摩七百多元，即係話套票中的七百元spa
，可做3次腳底按摩。
仲有乜嘢玩
兩日一夜的套票唔係只摘荔枝，仲有其他玩樂，酒店內有齊室內外泳池、健身室、網球場等，而套票更附送七百元spa
，就算落雨，想留喺酒店唔去東莞市中心行街都唔會悶！
東莞松山凱悅酒店2日1夜套餐
房租：$1,550起（3人）
包括：$700spa 消費
；包1位自助早餐，額外早餐每位$100；延至下午3時退房；3位免費由香港灣仔碼頭至酒店來回。
查詢：29561234
網址：
http://www.hyatt.com
玩後感
Bonnie ：「凱悅這個package 都幾抵玩，在灣仔直車到酒店門口，間酒店好舒適，設施夠新，摘荔枝係唔錯嘅親子樂，安排上好過好多旅行團，至於我自己就最鍾意做spa ，按摩師手勢極佳。」
