Apple 清貨大減價
報一報價先，MacBook 由$8,600減到$7,800；MacBook Pro 由$15,400減到$13,900；MacBook AIR 由$14,900減到$13,900，減幅輕微；iMac 由$9,400減到$9,100，減得最少！
如果你個心仲係十五十六，諗緊買唔買iPhone 3G ，睇埋條題叫「Apple 清貨大減價」，睇怕會有更多煩惱，事關一年一度的「Back To School 」優惠剛剛開始，今年仲係減幅最大的一年，透過這計劃買MacBook 、MacBook AIR 、MacBook Pro 、iMac 、Mac Pro ，除最高享有9折優惠外，仲送多1部8GB iPod Touch （價值$2,400），至9月15日止。
如果三人行必有我師，難怪newsgroup 真係最偉大發明！有成18頁教你最筍清貨大減價攻略，購買前必讀。
除iPod Touch 外，你亦可以揀8GB iPod nano 做禮物，不過只值$1,550，冇收iPod Touch 咁抵。
拔爺
就以我最想買的MacBook 2.1GHz 為例，原價$8,600減至$7,800，再放埋部iPodTouch 去二手店，套現多$1,800，咁部MacBook 只需$6,000，真係史無前例咁平！但呢個優惠只適用於香港全日制小中大學生、全職小中大學職員（公立或私立），即係除咗我，香港好多人都享用到此優惠。
不過，話分兩頭，唔係話吃不到的葡萄是酸的，好多資深Mac 友都話平咁多，係因為Apple 將於10月出新MacBook 同MacBook Pro ，即係轉款前劈價清貨，所以呢2款減幅係最高。加上個優惠幾擾人，要經網購或電話訂購，先一筆過付清Mac 機同iPod Touch 的全數，再轉頭回贈$2,400入購買人戶口，此舉就杜絕我呢亭想借人學籍買機的人，的確幾絕。之但係香港人咁醒，區區幾招就搞得掂咪好冇面？去HK Discuss 討論區的「Mac 討論」就教晒你點樣「清貨大減價」啦！
